Yakoba wa litĩla lungelo oco a tambule ocina cimue ci kuete esilivilo okuti, esumũlũho lia Yehova. (Efet. 32:24-31; Hos. 12:3, 4) Nye ci popiwa catiamẽla kokuetu? Anga hẽ tu kasi oku likolisilako oku pokola ku Yehova oco tu tambule asumũlũho? Ndeci, nye tu nõla pokati koku enda kohongele yimue yekongelo loku talavaya kupange woku sanda eteku olowola vimue kesulilo lieteke? Eci tu eca ku Yehova otembo yetu, ongusu kuenda ovina tu kuete, eye o tu ‘sukumuĩla esumũlũho lia piãla enene, liokuti apa li selekiwa ka pa molẽha.’ (Mal. 3:10) Eye o ka tu songuila, o tu teyuila loku tu ĩha ovina viosi tu sukila.—Mat. 6:33; Va Hev. 13:5.

TALA OVIDEO LOSAPI HATI, TIAMISILA UTIMA KOVIMÃHO VIESPIRITU KUENDA TAMBULULA APULILO AKUÃIMO:

• Manji ukãi wa setekiwa ndati kocina cimue eye a solaile calua?

• Upange woku sanda eteku u pondola ndati oku tu seteka?

• Momo lie Timoteo a sukilile oku amamako oku tumbika ovimãho viaye ndaño okuti eye wa kuatele ale ekolelo lia pama?—1 Tim. 4:16.

• Tu lekisa ndati okuti “upange wetu u kuete esilivilo”?