Ca leluka oku sima okuti, oloneke vietu viovomalẽhe vi ka amamako otembo ka yi pui kuenda lalimue eteke tu ka liyaka ‘loloneke vĩvi’ vi tunda koku kuka, voluali lulo lua Satana. (Uku. 12:1) Nda ove umalẽhe, o pondola oku sanda ndati otembo yoku tẽlisa ovimãho vi pamisa ekolelo ndeci, oku litumbika kupange wotembo yosi?

Komanu vosi, oku kongelamo amalẽhe “cosi ciya ño ci veta ño.” (Uku. 9:11) “Ka wa kũlĩhĩli ndomo omuenyo wene u kala hẽla.” (Tia. 4:14) Omo liaco, ko ka cilui oku sandiliya ovimãho vi pamisa ekolelo liene. Iñili ‘vepito linene lioku linga upange walua,’ lio yikuili. (1 Va Kor. 16:9) Nda wa ci lingi, lalimue eteke vu ka livela.

• Oku kundila kelimi likuavo

• Upange wakundi votembo yosi

• Oku panga onepa kosikola yupange wakristão

• Upange woku tunga

• Upange wo ko Betele

• Upange woku nyula akongelo