Oco omanu o longisa Embimbiliya va kuatisiwe oku kũlĩha Yehova loku pama kespiritu, ovo va sukila oku kũlĩha ovina vikuavo okuti, ocili tua va longisa ale ci sule. (Mat 5:3; Hev 5:12–6:2) Ovo va sukilavo oku kũlĩha ndomo va litekula ovo muẽle konepa yespiritu.

Tunde kefetikilo, va lekisa ndomo va lipongiyila elilongiso liavo Liembimbiliya, kuenda va vetiya oku ci linga. (mwb18.03 6) Va vetiya oku likutilila osimbu handi ka va fetikile oku lilongisa. Va kuatisa oku tapa alivulu kuenda ndomo va talavaya la-o poku lilongisa. Va lomboluila ndomo va pondola oku sanga ovina viokaliye vo jw.org kuenda vo JW Broadcasting^®. Vokuenda kuotembo va longisa ndomo va tanga Embimbiliya oloneke viosi, oku li pongiyila olohongele viekongelo kuenda oku konomuisa atambululo apulilo avo. Va kuatisa oku sokolola ovina va kasi oku lilongisa.

TALA OVIDEO LOSAPI HATI, KUATISA OMUNU O LONGISA EMBIMBILIYA OKU KŨLĨHA NDOMO A LILONGISA, KUENDA NOKE TAMBULULA APULILO A KUÃIMO:

• Neeta wa kuatisa ndati Jade oku limbuka okuti voku lilongisa ka mua kongelele lika oku kũlĩha atambululo?

• Nye ca kuatisa Jade oku limbuka okuti Yehova o kuete esunga lioku pisa evĩho liukahonga?

• Nye Jade a limbuka catiamẽla koku sokolola?