Vamanji akãi va kuatisa kupange Wusoma poku eca olombanjaile viavo. (Os 68:11) Ovo va songola alilongiso alua Embimbiliya. Akundi valua votembo yosi, vamanji akãi. Vamanji valua akãi va talalavaya ko Betele, kupange wumisionaliu, woku tunga kuenda woku pongolola alivulu. Vamanji akãi va pama kespiritu, va pamisa apata avo kuenda akongelo. (Olo 14:1) Ndaño vamanji akãi ka citava okuti va kala akulu vekongelo ale oloñuatisi viekongelo, pole va li tumbikila ovimãho vekongelo. Nda ove umanji ukãi, o pondola oku ci linga ndati?

• Kuata ovituwa Viukristão. —1Ti 3:11; 1Pe 3:3-6

• Kuatisa vamanji akãi vekongelo ka va loñolohele calua.—Tit 2:3-5

• Vokiya otembo wa siata oku pesila kupange woku kunda oco o kuatise omanu valua

• Li longisa elimi likuavo

• Yilukila kocitumãlo kuli esukila liakundi

• Lieca olumue oco o talavaye ko Betele ale oku kuatisa kupange woku tunga

• Lieca olumue oco o pindisiwe Kosikola Yakundi Wusoma

TALA OVIDEO LOSAPI HATI, “AKÃI VANA OKUTI VA LIKOLISILAKO KUPANGE WA ÑALA,” KUENDA NOKE TAMBULULA EPULILO LI KUÃIMO:

• Ovina vamanji akãi va popia, vi ku pamisa ndati?