ESUNGA LIECI CI KUETELE ESILIVILO: Eci omanu tu longisa Embimbiliya va lipongiya, va pondola oku kuata elomboloko lonjanga, loku ivaluka ovina tua va longisa. Osimbu va kuata elomboloko loku ivaluka ovina va lilongisa, ci va kuatisa oku linga apongoloko lonjanga. Ndaño noke yoku papatisiwa, ovo va ka sukila oku pongiya olohongele kuenda upange woku kunda oco va amameko oku ‘lavulula.’ (Mat. 25:13) Omo liaco, oku kũlĩha ndomo va lilongisa kuenda oku kuata esokiyo liwa lioku lilongisa, ci ka va kuatisa komuenyo wavo. Tunde kefetikilo, tu sukila oku kuatisa omunu tu longisa Embimbiliya oku kuata ocituwa coku pongiya elilongiso liaye.

NDOMO CI LINGIWA:

• Lekisa ongangu yiwa. (Va Rom. 2:21) Poku li pongiya, sokolola ekalo liomunu o longisa. (upange wetu wusoma 11/15 kem. 3) Ecelela okuti ovo va mõla okuti elivulu liove liatayiwa

• U vetiya oku pongiya. Eci o limbuka okuti elilongiso liaye li kasi oku amamako, u sapuila okuti oku lipongiya ku panga onepa kesokiyo lioku lilongisa Embimbiliya kuenda u lomboluila onima yililako. U sapuila ndomo a pondola oku sokiya otembo oco a pongiye. Akundi vamue va ecelela okuti vokuenda kuelilongiso, omunu a longisa o kala lelivulu liaye lia tayiwa oco cu u kuatise oku limbuka esilivilo liaco. U pandiya eci a pongiya

• Kefetikilo lielilongiso, akundi vamue va ka ecelela okuti elilongiso limue li kala lioku lekisa komunu a longisa Embimbiliya ndomo a pondola oku pongiya elilongiso liaye