Omo okuti ohali ya piãla yi kasi ocipepi, upange woku kunda u sukila onjanga. (Olosap. 24:11, 12, 20) Oco tu kuatise omanu, tu sukila oku talavaya lokokanda konumbi yo jw.org okuti tu tiamisila utima wavo Kondaka ya Suku kuenda konumbi yetu yo Internet. Vokokanda kaco, mu sangiwa ondimbukiso yimue yecelela oku iñila vovideo losapi hati: Momo Lie Ndi Lilongisila Embimbiliya? kuenda okokanda kelaleko ka kuete olonumbi vikuavo ale elilongiso Liembimbiliya. Ocili okuti, omanu vamue ka va tava alivulu etu, pole va sole oku iñila vonumbi yetu yo Internet. Ku ka kuate ohele yoku eca kokuavo okokanda konumbi yo jw.org. Ka citava oku sia otuikanda tuaco komanu vana ka va lekisa onjongole.

Poku enda kovopange ove eteke leteke, o pondola oku vetiya onjongole yomunu poku popia hati: “Ndi yongola oku ku ĩha cimue. Okokanda aka ka ku ecelela oku iñila vonumbi yetu yo Internet mu sangiwa ovina vialua kuenda olovideo vi kuete olosapi via litepa.” (Yoa 4:7) Omo okuti otuikanda tuaco tutito, citava okuti o tu ambata kuosi wenda, oco o tu ece komanu vakuavo vapuluvi osi.