Olombangi Via Yehova vi kuete esumũlũho lilikasi. Ndakristão va papatisiwa, tu amamako oku pamisa ukamba tu kuete la Ñala Yehova Ukuonene Wosi. Eye amẽla kokuetu pocakati Comõlaye. (Yoa. 6:44) Eye o yevelela olohutililo vietu.—Osa. 34:15.

Tu teyuila ndati ukamba wetu la Suku? Ocina catete tu sukila oku linga, oku yuvula ovina ka via sungulukila va Isareli va linga. Noke lioku linga ocisila cavo la Yehova, ovo va panga ociñumañuma congombe kuenda va ci fendela. (Etu. 32:7, 8; 1 Va Kor. 10:7, 11, 14) Tu sukila oku lipula etu muẽle ndoco: ‘Nye ndi sukila oku linga eci ndi setekiwa oku linga ovina ka via sungulukile? Ovilinga viange vi situlula hẽ okuti nda kapako ukamba wange la Yehova?’ Ocisola tu kuetele Isietu wokilu ci ka tu kuatisa oku yuvula ovina eye a suvuka.—Osa. 97:10.

TALA OVIDEO LOSAPI HATI, LAVA UKAMBA WOVE LA YEHOVA (VA KOL. 3:5) NOKE TAMBULULA APULILO AKÃIMO:

• Nye ci lomboloka ocipululu?

• Momo lie tu sukilila oku yuvula ocipululu kuenda oku fendela oviteka?

• Ndamupi ukahokolo kuenda efendelo lioviteka vi kuete elitokeko?

• Momo lie vana vakuele haivo va kuete ovikele vocisoko ca Suku va sukilila oku tẽlisa a sukila viohueli yavo?