Va Isareli poku tunga onembele va sukilile oku linga upange walua. Omo liaco, va Isareli va lekisa ombili poku linga upange waco. (1 Asa. 29:2-9; 2 Asa. 6:7, 8) Noke yoku tumbulula onembele, upange woku semulula va Isareli va linga wa lekisa okuti va velisilepo ukamba wavo la Yehova. (2 Olos. 22:3-6; 2 Asa. 28:24; 29:3) Koloneke vilo, Akristão va likolisilako oku pesila otembo yalua poku tunga, oku yelisa, loku semulula Olonjango Viusoma kuenda Olonjango Vioku Lingila Olohongele Vinene. Omo liaco, oku linga upange wa Yehova, esumũlũho linene kuenda li panga onepa kupange wetu u kola.—Osa. 127:1; Esit. 7:15.

• Ongotiya ovina viosi noke yohongele. Nda okuti uhayele wove ka u ku ecelela, ongotiya lika ovikuata vi kasi ponele yove.

• Kuatisa kupange woku yelisa loku semũlula onjango Yusoma olonjanja viosi. Vamanji valua va linga upange waco lesanju kuenda longusu yalua.—lv 92-93 kem. 18.

• Kuatisa lolombongo. Ndaño muẽle ‘otuvingangu tuvali’ tu eciwa lutima wosi, Yehova o sanjuka.—Mar. 12:41-44.

• Lieca olumue poku kuatisa kupange woku tunga olonjo vioku sivaya Yehova nda ekalo liove li ecelela. Ndaño ku kuete uloño woku tunga, eci ka ci tateka oku linga upange waco