Momo lie tu sanjukila calua lolohongele vietu viofeka? Ndeci ca kala kosimbu ku va Isareli, olohongele vietu viofeka koloneke vilo, vi tu ĩha epuluvi lioku fendela Yehova kumosi lolohuluwa via vamanji. Tu sanjuka calua omo liokulia kuaco kuespiritu. Tu kuatavo otembo yalua yoku kala lakamba kuenda epata. Etu tu yongola oku kala oloneke viosi vitatu kohongele yofeka.

Eci tu kuata epuluvi lioku kala kohongele yaco, ka tu sokolola lika kovina vi pondola oku tu kuatisa etu muẽle, pole, tu sokololavo ndomo tu pondola oku lekisa ocisola ku vakuetu. (Va Gal. 6:10; Va Hev. 10:24, 25) Eci tu lianja la vamanji, ale tu vala lika olomangu tu sukila, tu lekisa okuti tua kapako vakuetu. (Va Fil. 2:3, 4) Olohongele viofeka vi tu ĩha apuluvi oku linga akamba vokaliye. Osimbu handi ohongele ka ya fetikile kuenda kelivala liepuyuko, tu pondola oku kuata ocimãho coku sapela la vana ka tua kũlĩhĩle. (2 Va Kor. 6:13) Citava okuti tu fetika ukamba umue okuti u kala otembo ka yi pui! Handi vali eci tu lekisa ocisola cocili kovilinga citava okuti ovo va li kongela letu koku vumba Yehova.—Yoa. 13:35.

TALA OVIDEO LOSAPI HATI, “OCISOLA LALIMUE ETEKE CI TOKOKA”! OLOHONGELE VIOLOFEKA, KUENDA NOKE TAMBULULA APULILO AKUÃIMO:

• Ndamupi ocisola ca lekisiwa ku vamanji va endele kohongele yolofeka yunyamo wo 2019?

• Momo lie omunga kuenda ocisola pokati kafendeli va Yehova yi komohĩsila?

• Kolonepa vipi ocisola Cakristão ca tukuiwa la vamanji va panga onepa Kosungu Yolombangi Via Yehova?

• Ocisola ca kuatisa ndati vamanjetu ko Alemanya kuenda ko Korea do Sul oku li kuata omunga?

• Nye tu sukila oku linga?