Ondaka ya Suku yi pondola oku pongolola omuenyo wetu. (Hev 4:12) Omo liaco, oco tu kuatisiwe lolonumbi kuenda alungulo aco, tu sukila oku kolela okuti Embimbiliya “Ondaka ya Suku.” (1Te 2:13) Tu pamisa ndati ekolelo lietu Kembimbiliya?

Tanga onepa yimue Yembimbiliya eteke leteke. Osimbu o tanga, limbuka ovovangi a lekisa okuti, Yehova eye Usovoli walio. Ndeci, konomuisa alungulo a sangiwa velivulu Liolosapo kuenda limbuka ndomo olondunge viaco vi kapiwako komuenyo wetu weteke leteke.—Olo 13:20; 14:30.

Linga esokiyo lioku lilongisa. Kũlĩha ciwa ovovangi a lekisa okuti Embimbiliya lia tunda ku Suku. Kuende Velivulu Lioku Konomuisa Liolombangi Via Yehova, kũlĩhĩsa vemẽhi liokasapi “Embimbiliya” kuenda “Lia Tunda ku Suku.” O pondolavo oku pamisa ekolelo liove okuti, esapulo Liembimbiliya ka lia pongolokele, poku konomuisa olonumbi vi sangiwa Valomboluilo A3 Liembimbiliya li Kola Epongoluilo Lioluali Luokaliye.

TALA OVIDEO LOSAPI HATI, ESUNGA LIECI TU KUETELE EKOLELO . . . KONDAKA YA SUKU, NOKE TAMBULULA APULILO A KUÃIMO:

• Oku situluiwa kuocimbaka cimue conembele ko Karnak, Kegito ca lekisa ndati okuti Ondaka ya Suku yocili?

  Your answer

• Tua kũlĩha ndati okuti esapulo Liembimbiliya ka lia pongolokele?

  Your answer

• Omo okuti Embimbiliya lia puluka toke cilo, eci ceca ndati uvangi kokuove okuti olio Ondaka ya Suku?—Tanga Isaya 40:8

  Your answer