Vokuenda kuoloneke vilo via sulako, tua siata oku liyaka loloseteko vialua. Olonjanja vimue, tu pondola oku sima okuti, ovitangi vietu vialua calua oco tu pandikise lavio. Pole, nda tuamamako oku pamisa ukamba wetu la Yehova, eye o ka tu kuatisa oku pandikisa kovitangi ka via lelukile. (Isa 43:2, 4) Tu pamisa ndati ukamba wetu la Yehova poku liyaka lovitangi?

Ohutililo. Eci tu situluila ovisimĩlo vietu ku Yehova, eye o tu ĩha ombembua yovutima kuenda ongusu tu sukila oco tu pandikise.—Flp 4:6, 7; 1Te 5:17.

Olohongele. Koloneke vilo, tu sukila calua okulia kuespiritu kuenda ukamba Yehova a tu ĩha pocakati colohongele. (Hev 10:24, 25) Nda tu lipongiya, tu enda kolohongele kuenda oku panga onepa kokuavio, tu lekisa okuti tua kapako ekuatiso Yehova a tu ĩha pocakati cespiritu liaye.—Esi 2:29.

Upange Woku Kunda. Ci ka leluka kokuetu nda tu tiamisila utima kovina viwa, loku likolisilako oku linga cosi citava, oco tuamameko oku lekisa ombili kupange woku kunda. Tu ka pamisavo ukamba wetu la Yehova kuenda vamanjetu.—1Ko 3:5-10.

TALA OVIDEO LOSAPI HATI, YEHOVA O KA KU TATA, NOKE TAMBULULA APULILO A KUÃIMO:

• Ovina vipi via kuatisa Malu oku pamisa ukamba waye la Yehova poku liyaka lovitangi?

  Etambululo Liove

• Ndeci ca pita la Malu, olondaka vi sangiwa Kolosamo 34:18, vi pondola oku tu lembeleka ndati poku liyaka lovitangi?

  Etambululo Liove

• Ulandu wa Malu u lekisa ndati okuti Yehova o tu ĩha “unene wa piãla”, poku liyaka lovitangi?—2Ko 4:7

  Etambululo Liove