Unyamo lunyamo, afendeli va Yehova va lavoka lesanju lialua oku kalela kumosi kocipito Conjivaluko. Vokuenda kuolosemana osimbu ka kua pitile Onjivaluko kuenda noke yoku pita, tua siata oku sanda apuluvi alikasi oku pandiya loku eca olopandu ku Yehova, omo liombanjaile yocisembi. (Efs 1:3, 7) Ndeci, tu tiamisila utima koku laleka omanu. Vamue va siata oku linga apongoloko kasokiyo avo, oco va talavaye ndakundi va sokamo poku linga 30 ale 50 kolowola vosãi Yelombo, ale ya Kupupu. O yongola hẽ oku vokiya otembo o pesila koku kunda vokuenda kuepuluvi liaco Lionjivaluko? Nye ci pondola oku ku kuatisa oku ci linga?

Olonjanja vialua oco tu litunde ciwa, tu sukila oku linga esokiyo. (Olo 21:5) Omo okuti epuluvi Lionjivaluko li kasi ocipepi, yilo oyo otembo yoku linga esokiyo. Kũlĩhĩsa ndomo o vokiya otembo o linga kupange woku kunda vepuluvi Lionjivaluko kuenda sokolola kueci o sukila oku linga oco o tẽlise ovimãho viove. Pinga ku Yehova oco a sumũlũise alikolisilo ove.—1Yo 5:14, 15.

O pondola hẽ oku sokolola kolonjila vimue vi ku kuatisa oku vokiya upange wove woku kunda vepuluvi Lionjivaluko??