EKALO LIAKRISTÃO
Lipongiyila Cilo Ovitangi Vioku Vela Viya Ocipikipiki
Momo lie tu lipongiyila? Ovitangi vioku vela loku kala kosipitali, vi pondola oku iya vocipikipiki. Omo liaco, osimbu ovitangi vioku vela ka vieyile, lipongiya oco o ka tatiwe ciwa nda kua pita ocitangi caco. Poku ci linga, ove o lekisa esumbilo komuenyo kuenda kocihandeleko ca Yehova catiamẽla kosonde.—Ovl 15:28, 29.
Nye o linga oco o lipongiye?
-
Likutilila kuenda soneha lutate ocicapa ci tukuiwa (DPA), a cina ci kuatisa oku yuvula oku tatiwa losonde. Akundi va papatisiwa va pondola oku pinga ocicapa co DPA koñuatisi yekongelo ukuacikele calivulu kuenda ocicapa cartão de identificação (ic) comãla vaye vatito
-
Nda wemina, pinga kakulu vekongelo okopia yocicapa Informação para Grávidas (S-401). Olonumbi vi sangiwamo vi ka ku kuatisa oku nõla olonjila via sunguluka viatiamẽla konjila ndomo o ka tatiwa osimbu kua citile kuenda noke lioku cita
-
Nda o yongola oku tatiwa lonjila yimue okuti mu ka kisikiwa ocitangi cosonde, ale oku kala kosipitali, sapuila lonjanga yalua akulu vekongelo kuenda sapuila olondotolo kosipitali okuti o ka nyũliwa lonumiwa yimue Yolombangi Via Yehova
Akulu vekongelo va pondola oku kuatisa ndati? Va pondola oku ku kuatisa oku soneha vocicapa co DPA. Pole, akulu vekongelo havoko va ku nõlelako onjila o sesamẽla oku kuama, ale oku lekisa ovisimĩlo viatiamẽla kovina okuti ove lika o pondola oku nõla. (Rom 14:12; Gal 6:5) Eci o sapuilako akulu vekongelo okuti o kasi oku liyaka locitangi cimue okuti poku tatiwa mu kisikiwa osonde, lonjanga yalua ovo va ka sapela Loseketa Yoku Tetulula Ocitangi Coku Yuvula Oku Sakuiwa Losonde (HLC) oco va ku kuatise.
O kuatisiwa ndati Loseketa Yoku Tetulula Ocitangi Coku Yuvula Oku Sakuiwa Losonde? Vamanji va talavaya voseketa yaco, va pindisiwa oco va kuatise olondotolo loloseketa violondotolo oku kuata elomboloko liesunga lieci tu yuvuila oku tatiwa losonde. Ovo va pondola oku sapela lolondotolo catiamẽla kolonjila vioku sakuiwa lavio okuti, ku yuvuiwa oku kapiwa osonde. Nda ci sukiliwa, ovo va ka ku kuatisa oku sanga ondotolo yimue yi tava oku kuama onjila yaco.
TALA OVIDEO LOSAPI HATI, NDOMO KU NÕLIWA ONJILA YOKU SAKUIWA LAYO CATIAMẼLA KOSONDE NOKE TAMBULULA EPULILO LI KUÃIMO:
-
Ovina vipi wa lilongisa vovideo eyi okuti, vi ku kuatisa oku lipongiyila ovitangi vioku vela viya ocipikipiki mu kisikiwa oku sakuiwa losonde?
a Ocipama 39 celivulu Sanjukili Omuenyo Otembo ka yi Pui!, ci pondola oku ku kuatisa oku nõla olonjila viwa mua kongela oku yuvula oku tatiwa losonde.
