19-25 ya Kayovo
OLOSAMO 8-10
Ocisungo 2 Lohutililo | Olondaka Vioku Fetika (Ekuk. 1)
1. “A Yehova Ndi ka ku Sivaya”!
(Akuk. 10)
Yehova uwa calua letu (Os 8:3-6; w21.08 kem. 3 ocin. 6)
Tu sanjukila oku sivaya Yehova poku vangula la vakuetu catiamẽla kovilinga viaye vi komõhisa (Os 9:1; w20.05 kem. 23 ocin. 10)
Tu u sivayavo eci tu wimbila ovisungo lutima wosi (Os 9:2; w22.04 kem. 7 ocin. 13)
LIPULA NDOCO, ‘Kolonepa vipi vikuavo ndi pondola oku sivaya Yehova?’
2. Ovina vi Sangiwa Vembimbiliya
(Akuk. 10)
-
Os 8:3—Nye ukualosamo a yonguile oku popia poku tukula ovimuine via Suku? (Perspicaz-1 kem. 664)
-
Atosi api wa sanga koku tangiwa Kuembimbiliya vosemana yilo o yongola oku tu sapuilako?
3. Oku Tangiwa Kuembimbiliya
(Akuk. 4) Os 10:1-18 (Oku Longisa etendelo 11)
4. Oku Fetika Ombangulo
(Akuk. 3) KONJO LANJO. Omunu wa sanga o ku sapuila okuti eye ka tava ku Suku. (Sola Omanu ocipama 5 etosi 4)
5. Epasu
(Akuk. 4) UVANGI KA WA SOKIYIWILE. Vombangulo ya pita omunu wa ku sapuila okuti ka tava ku Suku, pole, o lekisa onjongole yoku vangula catiamẽla kovina vi situlula okuti kuli Ululiki. (Oku Longisa etendelo 7)
6. Ohundo
(Akuk. 5) w21.06 kem. 6-7 ocin. 15-18—Osapi: Kuatisa Una o Longisa Embimbiliya Oku Sivaya Yehova. (Oku Longisa etendelo 10)
Ocisungo 10
7. Ndomo tu Eca Uvangi ka wa Sokiyiwile Lonjila ya Leluka
(Akuk. 10) Ohundo lapulilo amue kolonjeveleli.
Onjila yimue yoku vokiya esivayo lietu ku Yehova, poku eca uvangi ku vana tu li sangalavo kovopange etu eteke leteke. (Os 35:28) Kefetikilo, citava okuti tu yeva usumba poku eca uvangi ka wa sokiyiwile. Pole, eci tu lilongisa ndomo tu fetika kuenda oku amamako lombangulo lonjila yimue ya leluka, tu pondola oku litunda ciwa kuenda oku kuata esanju!
Lekisa OVIDEO losapi Lipongiya Oco o Kunde “Olondaka Viwa Viombembua”—Kuata Ocituwa Coku Fetika. Noke pulisa ndoco kolonjeveleli:
Nye wa lilongisila kulandu wovideo eyi okuti ci ka ku kuatisa oku litunda ciwa koku eca uvangi ka wa sokiyiwile?
Atosi a kuãimo a ka ku kuatisa oku fetika ombangulo:
-
Olonjanja viosi o tunda konjo, sanda epuluvi lioku eca uvangi. Likutilila kuenda pinga ku Yehova oco o sange omunu o kuete o yongole yoku yevelela
-
Linga ukamba kuenda lekisa okuti wa kapako omunu wa sanga. Seteka oku lilongisila ocina cimue komunu, oco ci ku kuatise oku nõla ocili cimue Cembimbiliya eye a pondola oku sanjukila
-
Sanda epuluvi lioku u wĩha etendelo liove liotelefone loku u pinga liaye, nda citava
-
Ko ka sumue nda ombangulo yimue yi sulila osimbu ove kua ecele handi uvangi
-
Sokolola komunu noke yombangulo yene. Amamako oku lekisa okuti wo kapako poku u tumisa ocisonehua cimue Cembimbiliya ale, ocipama cimue ci sangiwa vo jw.org
Seteka Ndoco: Nda umue wa ku pula hati, ‘Esulilo liove liosemana lia enda ndati?,’ u lomboluilako eci wa lilongisa kohongele, ale ceci catiamẽla kupange woku longisa Embimbiliya ove wa linga.
8. Ovina vi Sukiliwa Vekongelo
(Akuk. 5)
9. Elilongiso Liembimbiliya Vekongelo
(Akuk. 30) Eca Uvangi ocip. 6 ocin. 1-8 kuenda olondaka vioku fetika vionepa 2
