26 ya Kayovo–3 Yelombo
OLOSAMO 11-15
Ocisungo 139 Lohutililo | Olondaka Vioku Fetika (Ekuk. 1)
1. Sokolola Ndu Okuti o Kasi Voluali Luokaliye Lua Suku Luombembua
(Akuk. 10)
Nda omanu ka va lekisa esumbilo kovihandeleko, ci koka ombuanja ndeyi tu lete koloneke vilo (Os 11:2, 3; w1/6/2006 kem. 30 ocin. 4)
Tua kolela okuti Yehova ndopo o ka malako ungangala (Os 11:5; wp16.4 kem. 15)
Ohuminyo ya Yehova yoku popela, yi tu kuatisa oku kevelela lepandi eyovo lietu (Os 13:5, 6; w17.08 kem. 7 ocin. 15)
SETEKA NDOCO: Tanga Esekiele 34:25 kuenda vakukutu amue sokolola ndu okuti o kasi vocitumãlo combembua ca tukuiwa vocinimbu eci.—kr kem. 236 ocin. 16.
2. Ovina vi Sangiwa Vembimbiliya
(Akuk. 10)
-
Os 14:1—Akristão va pondola oku yapuisiwa ndati locituwa ca tukuiwa vocisonehua eci? (w15/9/2013 kem. 20 ocin. 12)
-
Atosi api wa sanga koku tangiwa Kuembimbiliya vosemana yilo o yongola oku tu sapuilako?
3. Oku Tangiwa Kuembimbiliya
(Akuk. 4) Os 13:1–14:7 (Oku Longisa etendelo 2)
4. Oku Fetika Ombangulo
(Akuk. 2) UVANGI KA WA SOKIYIWILE. Laleka omunu oco a ende Kocipito Conjivaluko. (Sola Omanu, ocipama 5 etosi 3)
5. Oku Fetika Ombangulo
(Ekuk. 1) KONJO LANJO. Laleka omunu oco a ende Kocipito Conjivaluko. (Sola Omanu, ocipama 3 etosi 4)
6. Oku Fetika Ombangulo
(Akuk. 3) KONJO LANJO. Omunu wa tava okokanda kelaleko koku enda Konjivaluko. (Sola Omanu, ocipama 7 etosi 4)
7. Oku Linga Olondonge
(Akuk. 5) Sanjukili Omuenyo ocipama 13 onepa Nye wa Lilongisa, oku pitulula kuenda ocimãho. Talavaya lonepa “Lilongisa Ondongosi” oco o kuatise omunu o longisa Embimbiliya, oku kuata elomboloko liocisimĩlo ca Suku catiamẽla ketavo liesanda. (Oku Longisa etendelo 12)
Ocisungo 8
8. “Olondunge Via Velapo Okuti Ovimãleho Viuyaki vi Sule”
(Akuk. 10) Ohundo lapulilo amue kolonjeveleli.
Voluali luosi ungangala u kasi oku livokiya calua. Yehova wa kũlĩha okuti ungangala tua siata oku mõla kuenda oku liyaka lawo, u tu kokela esakalalo lialua. Eye wa kũlĩhavo okuti tu sukila eteyuilo. Onjila yimue eye a tu teyuila layo, pocakati Condaka yaye Embimbiliya.—Os 12:5-7.
Vembimbiliya mu sangiwa olondunge via velapo okuti “ovimãleho viuyaki vi sule.” (Uku 9:18) Kũlĩhĩsa ndomo olonumbi Viembimbiliya vi kuãimo, vi pondola oku tu teyuila oco ka tu ka kupukile vungangala waco.
-
Uku 4:9, 10—Yuvula oku kala lika liove povitumãlo kuenda vekalo ka lia kolelepo
-
Olo 22:3—Olonjanja viosi lavulula ovina vi pita pocitumãlo o kasi
-
Olo 26:17—Ku ka litenge volombangulo kua kũlĩhĩle
-
Olo 17:14—Tunda pocitumãlo nda wa limbuka okuti ku ka kala ombuanja. Kuenda kala ocipãla lowiñi u linga ombuanja
-
Luk 12:15—Lalimue eteke ku ka kape kohele omuenyo wove oco o teyuile ovina viove
Tala OVIDEO losapi Setukuli Vakuekolelo, ko ka Setukuli Vana ka va Kuete Ekolelo—Enoke, Lameke Sio. Noke pulisa ndoco kolonjeveleli:
Ongangu ya Enoke ya kuatisa ndati isia umue oku nõla olonjila viwa poku liyaka lungangala?—Hev 11:5
Olonjanja vimue, Ukristão umue o liyeva okuti o sukila oku linga ocina cimue oco a liteyuile eye muẽle kuenda ovina viaye. Nda oco, o sukila oku likolisilako oku yuvula oku linga ovina vi kapa kohele omuenyo womanu kuenda oku kuata eko liosonde.—Os. 51:14; Tala “Apulilo a lingiwa lavakuakutanga” Vutala Wondavululi Wevambi Linene 2017.
9. Upange Woku Laleka Omanu Oku Enda Kocipito Conjivaluko, u ka Fetika Casapalo Keteke 2 Yelombo
(Akuk. 5) Ohundo yi lingiwa lukulu umue wekongelo. Aliangiliyo opocitumãlo a tiamẽla kupange ulikasi, kohundo yilikasi kuenda Konjivaluko. Ivaluisa akundi okuti ovo va pondola oku lisonehisa ndakundi vasokamo, poku eca olowola 15 vi kisikiwa vokuenda kuolosãi Yelombo kuenda ya Kupupu.
10. Elilongiso Liembimbiliya Vekongelo
(Akuk. 30) Eca Uvangi ocip. 6 ocin. 9-17
