NDOMO O KAVULUISIWA KESAKALALO
O Kuete hẽ Esakalalo?
“Omanu vosi voluali pamue va siata oku kuata asakalalo, pole, ame si tẽla vali oku pandikisa. Momo sia siatele lika oku liyaka locitangi cimosi. Nda siatavo oku liyaka lovitangi vialua oku kongelamo ocitangi cinene coku tata ulume wange o kasi oku vela vokuenda kuanyamo alua konepa yetimba kuenda uyui.”—Júlia. a
“Ukãi wange wa ndi siapo kuenje nda sukilile oku tata omãla vetu vavali lika liange. Eci ca tĩlile calua. Handi vali, nda pumba upange wange woku sanda eteku kuenda sia kuatele olombongo vioku feta oco ekãlu liange li semũlũiwe. Nda kuata esakalalo lialua kuenda sia kũlĩhĩle eci ndi linga. Nda kũlĩhĩle okuti ka ca sungulukile oku liupa omuenyo kuenje nda pinga ku Suku oco a maleko lovina viosi.”—Barry
Anga hẽ olonjanja vimue wa siata oku liyeva nda Júlia la Barry okuti wa lemelẽlua lasakalalo? Nda wa tambulula okuti oco, ovipama vio revista yilo vi pondola oku ku kuatisa. Tu konomuisa vimue pokati kovina vi koka asakalalo kuenda ndomo vi tu kokelavo ovitangi. Tu konomuisavo ndomo tu liyaka lesakalalo.
a Olonduko vimue via pongoluiwa.
Ove o ka ci Sola
UTALA WONDAVULULI
