NDOMO TU MALAKO ESUVU

2 | Ku ka Fetuluinye

SIKA

Ceci Embimbiliya li Longisa:

“Ko ka fetuluinyi umue cĩvi leci cĩvi. . . . Nda citava, ndeci ca tamba kokuene, kali vakuambembua lomanu vosi. Ko ka fetuluinyi, . . . momo ca sonehiwa citi: ‘“Efetuluinyo liange; ame ndi ka fetuluinya,” oco Yehova a popia.’”—VA ROMA 12:17-19.

Elomboloko Liocisonehua Eci:

Ka cĩviko oku kuata onyeño nda omunu umue o tu tata lãvi. Pole, Suku ka yongola okuti tu linga cimue cĩvi komunu ukuavo poku seteka oku fetuluinya. Eye o yongola okuti, tu kala vakuepandi, momo wa likuminya oku malako ekambo liosi liesunga.—Olosamo 37:7, 10.

Ceci o Pondola Oku Linga:

Nda omanu va fetuluinya, esuvu li li vokiya calua. Omo liaco, nda omunu umue o ku sumuisa, ale o ku linga cimue cĩvi, ku ka seteke oku fetuluinya. Likandangiya kuenda sanda ombembua. Olonjanja vimue, ciwa oku nõlapo oku ivalako ovina viaco. (Olosapo 19:11) Volonjanja vikuavo, pamue ci sukiliwa oku tetulula ocitangi caco. Ndeci, nda wa tatiwa lungangala, pamue o sukila oku nõlapo oku ci sapuila kakuenje velombe, ale kolombiali.

Oku fetuluinya ku ku panga lãvi ove muẽle

Nye o linga nda wa limbuka okuti ka kuli onjila yoku tetulula ocitangi caco lombembua? Nye ci popiwa nda wa likolisilako ale oku seteka oku tetulula ocitangi caco lombembua? Ndaño ndoco, ku ka fetuluinye. Momo ci pondola oku vokiya ocitangi. O pondola oku yula esuvu. O ka limbuka okuti, o pondola oku kolela ku Suku, loku ecelela okuti eye o tetulula ocitangi caco. “Kolela kokuaye kuenda eye muẽle o ka ku kuatisa.”—Olosamo 37:3-5.

Ulandu Womuenyo—ADRIÁN

Wa Yula Onjongole Yoku Fetuluinya

Adrián wa kala umalẽhe umue ongangala kuenda ukuesuvu lialua. Wa kuatele onjongole yoku fetuluinya omunu wosi u linga cimue cĩvi. Eye wa popia hati: “Nda lilongisavo oku talavaya luta, nda enda oku likongela voku li loya okuti olonjanja vimue, nda puluka oku fa.”

Adrián wa fetika oku lilongisa Embimbiliya eci a kuata 16 kanyamo. Eye amisako ndoco: “Osimbu nda kala oku lilongisa Embimbiliya, nda limbuka okuti, nda sukilile oku linga apongoloko kekalo liomuenyo wange.” Eye wa sukilile oku upa esuvu vutima waye loku liwekapo oku tetulula ovitangi lungangala. Ovina a lilongisa ku Va Roma 12:17-19, kuna ku vetiya oku liwekapo oku fetuluinya, vio kuatisa calua. Eye wa popia hati: “Nda lilongisa okuti, Yehova o ka tetulula ovitangi viekambo liesunga votembo ya sokiyiwa kuenda lonjila yaye ya sunguluka. Kamue kamue, nda tẽla oku pongolola ekalo liange liungangala.”

Vuteke umue, Adrián wa tatiwa lungangala locimunga cimue colongangala. Usongui waco wa kaluka hati: “Li teyuila!” Adrián wa popia hati: “Nda kuata onjongole yalua yoku fetuluinya, pole, nda tẽla oku likandangiya.” Ocina ca kuatisa Adrián oku yuvula oku fetuluinya, oku likutilila lonjanga ku Yehova, kuenje wa tunda pokati kaco.

Adrián amisako ndoco: “Keteke likuavo, nda sanga okuti, usongui wocimunga colongangala, o kasi likaliaye. Vepuluvi liaco, nda kuata onyeño yalua, pole, nda likutilila vali vutima ku Yehova, oco a ñuatise oku likandangiya. Kuenje umalẽhe waco wa ndi sapuila hati: ‘Ngecele omo liovina via pita hẽla luteke. Ocili ceci okuti, njongola oku kala ndove. Njongola oku lilongisa Embimbiliya.’ Nda kuata atatahãi kueci nda yeva kuenda ndi pandula omo nda tẽla oku likandangiya! Omo liocituwa nda lekisa, eye wa fetika oku lilongisa Embimbiliya.”

Ove o ka ci Sola

EMBIMBILIYA LI PONGOLOLA OMUENYO

https://cms-imgp.jw-cdn.org/img/p/2022012/univ/art/2022012_univ_sqr_xl.jpg

wp22 No. 1 kam. 8-9

Olombangi Via Yehova

2 | Ku ka Fetuluinye

Ceci Embimbiliya li Longisa:

Elomboloko Liocisonehua Eci:

Ceci o Pondola Oku Linga:

Ove o ka ci Sola

Nda Yonguile Oku Yakela Ekambo Liesunga

Otembo Yipi Ocisola Cocili ci ka Yula Esuvu?

Nye Embimbiliya li Popia Catiamẽla Koku Fetuluinya?

Ndomo tu Malako Esuvu—Ku ka Fetuluinye

TAPA

Ceci Embimbiliya li Longisa:

Elomboloko Liocisonehua Eci:

Ceci o Pondola Oku Linga:

Ove o ka ci Sola

TAPA

Select Your Language

Sandeka