Nye Embimbiliya li Popia?
Anga hẽ Suku o kuete onduko?
OMANU VAMUE VA POPIA tuti ka kuete onduko, vakuavo va popia hati Suku ale Ñala, handi vali vakuavo vati o kuete olonduko vialua. Ci pi ocisimĩlo cove?
CECI EMBIMBILIYA LI POPIA
“Ove, onduko yove Yehova, ove, lika wove, Tõlo koluali luosi.”—Osamo 83:18.
NYE TU LILONGISA VALI VEMBIMBILIYA?
Ndaño okuti Suku o kuete olonduko vialua viesumbilo, pole wa tu sapuila lika onduko yimosi. —Etundilo 3:15.
Suku omunu, kuenda o yongola okuti tu u kũlĩha.—Ovilinga 17:27.
Oku kũlĩha onduko ya Suku oyo onjila yatete yoku linga ekamba liaye.—Tiago 4:8.
Anga hẽ ka ca sungulukile oku tukula onduko ya Suku?
NYE O PONDOLA OKU POPIA?
Ca sunguluka
Ka ca sungulukile
Pamue ca sunguluka
CECI EMBIMBILIYA LI POPIA
“Ku ka tukule onduko ya Yehova Suku yove lesanda.” (Etundilo 20:7) Ka ca sungulukile lika oku tukula onduko ya Suku nda tua ci linga lonjila yimue ka yi lekisa esumbilo.—Yeremiya 29:9.
NYE TU PONDOLAVO OKU LILONGISA VEMBIMBILIYA?
Yesu wa kũlĩhĩle onduko ya Suku kuenda wa enda oku yi tukula.—Yoano 17:25, 26.
Suku o yongola okuti tu u vilikiya londuko yaye.—Osamo 105:1.
Ovanyali va Suku va siata oku vetiya omanu oco va ivaleko onduko yaye.—Yeremiya 23:27.
Ove o ka ci Sola
ESSENTIAL BIBLE TEACHINGS
Anga Suku o Kuete Onduko?
Suku o kuete olonduko vialua viesumbilo, oku kongelamo Tõlo, Ululiki, kuenda Ñala. Pole, onduko ya Suku Vembimbiliya ya tukuiwa eci ci pitahãla 7. 000 kolonjanja.
APULILO ATAMBULUIWA LEMBIMBILIYA
Suku o Kuete Olonduko Viñami?
Omanu valua va sima vonduko ya Suku mua kongela, ‘“Alá,”’ ‘El Shaddai,’ ‘Yehova-Yire’ ‘Alfa kuenda Ômega.’ Anga hẽ ci kuetele esilivilo kokuetu oku tukula onduko ya Suku?
APULILO ATAMBULUIWA LEMBIMBILIYA
Onduko ya Suku Eye Yesu?
Yesu lalimue eteke a litukuile hati, eye Suku Tõlo. Momo lie?
OMUENYO WO KO BETELE
Eliangiliyo Limue Lilikasi Lioku Lekisa Embimbiliya
Tunde kosimbu Suku wa situlula onduko yaye komanu vosi. Limbuka ndomo Ambimbiliya amue a teyuila onduko ya Suku
