OMANU VAMUE VA TAVA okuti omunu eye wa sovola etavo, vakuavo va sima okuti Suku wa sovola etavo oco a kuatise omanu oku kuata ukamba laye. Ci pi ocisimĩlo cove?

CECI EMBIMBILIYA LI POPIA

Kuli “etavo liocili hailio lia pua evĩho kovaso a Suku yetu haeye Isia.” (Tiago 1:27, etosi pombuelo yemẽla) Etavo liocili hailio lia pua evĩho lia sokiyiwa la Suku.

OVINA VIKUAVO TU PONDOLA OKU LILONGISA VEMBIMBILIYA

• Oco tu sanjuise Suku, etavo li sukila oku tiamisila alongiso alio kocili Cembimbiliya. —Yoano 4:23, 24.

• Atavo a longisa ovisila viomanu, ka a kuete esilivilo. —Marko 7:7, 8.

NYE O PONDOLA OKU POPIA?

• Ca sunguluka

• Ka ca sungulukile

• Pamue ca sunguluka

CECI EMBIMBILIYA LI POPIA

“Tu likapiko pokati ndomo tu livetiya locisola kuenda ovilinga viwa, ka tu ka liwekipo oku liongolola.” (Va Heveru 10:24, 25) Suku o yongola okuti afendeli vaye va likuata omunga.

OVINA VIKUAVO TU PONDOLA OKU LILONGISA VEMBIMBILIYA

• Omanu vana va fendela kumuamue Suku va sukila oku likuata omunga poku u fendela.—1 Va Korindo 1:10, 11.

• Omanu vana va tiamẽla ketavo li taviwa la Suku va likuetele ocisola pokati voluali luosi. —1 Petulu 2:17.