Vumba Yehova, Suku Yelianjo
“Yehova espiritu kuenda apa pali espiritu lia Yehova pali elianjo.”—2 VA KORINDO 3:17.
1, 2. (a) Momo lie oku vangula catiamẽla kupika kuenda kelianjo ca kuatela esilivilo koloneke viupostolo Paulu? (b) Ndomo Paulu a lombolola helie Ono yelianjo liocili?
KOTEMBO Yakristão vatete, omanu va kala Vuviali wo ko Roma, kuna omanu va kapeleko calua ovihandeleko viesunga kuenda elianjo va kuata. Uviali waco wa enda oku kisika apika oco va linge upange walua. Handi vali, Vuviali waco pokati komanu vatatu, umosi wa kala upika. Omo liaco, oku vangula catiamẽla kupika kuenda kelianjo ca kuatele esilivilo komanu vosi, oku kongelamo Akristão.
2 Upostolo Paulu olonjanja vialua wa soneha eci catiamẽla kelianjo. Eye ka setekele oku tetulula ovitangi violuali lulo, vina omanu vokotembo yaco va yonguile oku malako. Pole, eye kumue Lakristão vakuavo va likolisilako oku longisa omanu olondaka viwa Viusoma wa Suku kuenda oku va kuatisa oku kuata elomboloko liesilivilo liocilumba cocisembi ca Yesu Kristu. Paulu wa sapuila Akristão vakuavo, oku va sukilile oku sanga Ono yelianjo liocili. Eye wa soneha ndoco: “Yehova 2 Va Korindo 3:17.
espiritu kuenda apa pali espiritu lia Yehova pali elianjo.”—3, 4. (a) Nye Paulu a lombolola vovinimbu vimue osimbu ka tukuile olondaka vi sangiwa kelivulu lia 2 Va Korindo 3:17? (b) Nye tu sukila oku linga oco tu kuate elianjo li tunda ku Yehova?
3 Paulu vukanda waye wavali a sonehela Akristão vo ko Korindo, wa tukula eci ca pita la Mose poku loka Komunda Sinai noke yoku sapela lungelo wa Yehova. Ocinyi ca tuila kocipala caye! Eci va Isareli va mola Mose va kuata usumba kuenje Mose wa sikĩlila ocipala caye. (Etundilo 34:29, 30, 33; 2 Va Korindo 3:7, 13) Noke Paulu wa popia hati: “Nda omunu umue o kuama onjila ya Yehova, oku sikĩlilua kuaco ku upiwa.” (2 Va Korindo 3:16) Nye Paulu a yonguile oku popia?
4 Tua lilongisa vocipama ca pita okuti, Yehova eye Ululiki wovina viosi kuenje eye lika o kuete elianjo lia suapo ka li kuete ongave. Omo liaco, “apa pali espiritu lia Yehova” pali elianjo. Paulu wa popia okuti nda tu yongola oku kuata elianjo liaco, tu sukila oku kuama onjila ya Yehova. Eci ci lomboloka okuti tu sukila oku pamisa ukamba wetu laye. Va Isareli eci va kala vekalasoko, ka va tendele ovina ndomo Yehova a vi tenda. Eci ca kala ndu okuti va sikĩlila ovisimĩlo kuenda ovitima viavo. Ovo va yonguile oku talavaya lelianjo liavo liokaliye oco va tẽlise olonjongole viavo muẽle.—Va Heveru 3:8-10.
Ndaño muẽle omunu una o kasi vokayike o pondolavo oku kuata elianjo
5. (a) Elianjo lipi espiritu lia Yehova lieca? (b) Tu kũlĩha ndati okuti omunu o kasi kupika ale vokayike o pondola oku kuata elianjo Yehova a eca? (c) Apulilo api tu ka tambulula?
5 Elianjo espiritu lia Yehova lieca lia velapo okuti elianjo li tunda koku kala upika li sule. Espiritu liaco, lieca elianjo lina okuti omanu ka va tẽla oku lieca. Olio li tu yovola kupika wekandu, kolofa kuenda kupika wetavo liesanda kumue loviholo vialio. (Va Roma 6:23; 8:2) Eyovo liaco li komohĩsa calua! Ndaño muẽle omunu una o kasi kupika, ale vokayike o pondolavo oku kuata elianjo liaco. (Efetikilo 39:20-23) Tu kũlĩhĩsi ulandu wa manji Nancy Yuen la manji Harold King okuti, ndaño va kala vokayike vokuenda kuanyamo alua omo liekolelo liavo, va kuata elianjo liaco. O pondola oku tala ndomo va lombolola ulandu wavo vo JW Broadcasting. (Kuende pokasapi APULILO KUENDA OVOLANDU > OKU PANDIKISA KOVITANGI.) Cilo tu tambulula apulilo avali. Tu lekisa ndati okuti elianjo lietu li kuete esilivilo lialua kokuetu? Tu talavaya ndanti lelianjo lietu?
ELIANJO YEHOVA A TU ĨHA LI KUETE ESILIVILO LIALUA
6. Va Isareli va lekisa ndati okuti ka va lekisile olupandu kelianjo Yehova a va ĩha?
6 Eci tu tambula ombanjaile yimue yiwa, tu pandula omunu wa tu ĩha ombanjaile yaco. Va Isareli ka va lekisile olopandu ku Yehova omo yelianjo a va ĩha. Noke yolosãi vimue, tunde eci Yehova a va yovola Kegito, va fetika oku livela okulia kuenda ovinyua va kuatele Kegito. Ovo va fetikavo oku lisiõsiõla Atendelo 11:5, 6, 10; 14:3, 4) Ulandu owu u tu longisa ocina cimue ci kuete esilivilo.
omo liomana okulia Yehova a va pongiyilile. Va yonguile oku tiukila Kegito! Ovo va velisilepo calua ‘olõsi, ovitende, olomelãu, ayupolu, osapola kuenda ovayu,’ okuti elianjo Yehova a ecele kokuavo lioku u vumba ci sule. Eli olio esunga lieci Yehova a temẽlele lavo. (7. Tu kuama ndati elungulo Paulu a eca li sangiwa kelivulu lia 2 Va Korindo 6:1?
7 Upostolo Paulu wa lungula Akristão vosi oco ka va ka lekise ekambo liolopandu kelianjo Yehova a tu ĩha vocakati Comõlaye, Yesu Kristu. (Tanga 2 Va Korindo 6:1.) Paulu ka lipuile, wa kala upika wekandu, wolofa kuenje co sumuisile calua. Eye hati: “Ngeca olopandu ku Suku vonduko ya Yesu Kristu Ñala yetu!” Momo lie a popela olondaka viaco? Paulu wa lomboluila vamanjaye Akristão hati: “Momo ocihandeleko cespiritu cina ceca omuenyo vu Kristu Yesu ca ku yovola kocihandeleko cekandu kuenda coku fa.” (Va Roma 7:24, 25; 8:2) Ndeci Paulu a linga, lalimue eteke ka tu ka ivaliko okuti Yehova wa tu yovola kupika wekandu kuenda wolofa. Ocisembi cecelela okuti tu vumba Suku lutima wa yela kuenje ci tu nenela esanju liocili.—Osamo 40:8.
O kasi hẽ oku talavaya ciwa lelianjo liove oco o linge ovina Yehova a yongola, ale oku tẽlisa olonjongole viove? (Tala ocinimbu 8-10)
8, 9. (a) Elungulo lipi upostolo Petulu a eca liatiamẽla koku talavaya lelianjo lietu? (b) Momo lie elungulo liaco li kuetele esilivilo koloneke vilo?
8 Ka tu sukila lika oku lekisa olopandu ku Yehova, pole, tu sukilavo oku kuata utate oco ka tu ka talavayi lelianjo lietu lonjila yimue ka ya sungulukile. Ndeci, upostolo Petulu wa tu lungula oco ka tu ka talavaye lelianjo lietu lonjila yimue yo ku lisandela esunga poku linga eci cĩvi. (Tanga 1 Petulu 2:16.) Elungulo liaco li tu ivaluisa eci ca pita la va Isareli eci va kala vekalasoko. Tu sukilavo elungulo liaco, capiãla enene koloneke vilo. Satana kuenda oluali luaye lueca ovina vialua vi sukiliwa, ndeci uwalo, okulia, oku nyua kuenda ovitalukilo. Vakuakusandeka asapulo va tu vetiya oku sima okuti te tu landa ovina vina ka tu sukila. Ca leluka oku kembiwa loluali oco tu talavaye lelianjo lietu lonjila yimue ka ya sungulukile.
9 Elungulo Petulu a eca li tiamisiwilavo kolonepa vikuavo viomuenyo ndeci, elilongiso kuenda upange tu nõla. Koloneke vilo, amalẽhe va kisikiwa oku likolisilako calua oco va taviwe kolosikola via velapo. Omanu valua va vetiya amalẽhe okuti nda va lilongisa kosikola ya velapo, va ka kuata upange uwa, olombongo vialua kuenda va ka sumbiwa. Omanu vaco va sapuila vakuavo ovolandu a lekisa okuti, vana va pita kosikola ya velapo va kuata olombongo vialua okuti vana va pita kosikola ya pita pokati, ci sule. Osikola ya velapo yi pondola oku molẽha kamalẽhe ndu okuti, ocina cimue ciwa poku nõla onjila va yongola oku kuama komuenyo wavo wosi. Pole, nye ovo kuenda olonjali viavo va sukila oku ivaluka?
10. Nye tu sukila oku ivaluka poku nõla eci tu yongola oku linga?
10 Vamue va sima ndoco, omo okuti oku nõla onjila yimue ca tamba lika komunu lomunu, te va lianja poku linga eci va yongola nda utima wavo ka u va vetela evelo. Ovo va pondola oku sokolola kolondaka via Paulu viokuti: “Utima womunu ukuavo u pisila nye elianjo liange?” (1 Va Korindo 10:29) Ndaño okuti tu kuete elianjo lioku nõla eci tu yongola catiamẽla kelilongiso lietu liokosikola kuenda kupange, tu sukila oku ivaluka okuti elianjo lietu li kuete ongave kuenda olonjila viosi tu nõla vi kuete onima yimue. Eli olio esunga lieci Paulu a popela hati: “Ocihandeleko ci ngecelela oku linga ovina viosi, pole, haviosiko vi kuatisa. Ocihandeleko ci ngecelela oku linga ovina viosi, pole, haviosiko vi pamisa.” (1 Va Korindo 10:23) Ndaño okuti tu kuete elianjo lioku nõla eci tu yongola oku linga, pole, eci hacoko ca velapo kokuetu.
TALAVAYA LELIANJO LIOVE LOCIMÃHO COKU VUMBA YEHOVA
11. Momo lie Yehova a tu yovuila?
11 Eci Petulu a tu lungula oco ka tu ka talavaye lelianjo lietu lonjila yimue ka ya sungulukile, eye wa popia okuti onjila yiwa yoku talavaya lelianjo lietu oku kala ‘akuenje va Suku.’ Esunga lieci Yehova a tumĩla Yesu oco a tu yovole kupika wekandu kuenda wolofa lieli okuti, tu lieca lutima wosi oco tu vumbe Yehova.
Onjila yiwa yoku talavaya lelianjo lietu oku eca otembo yetu longusu yetu koku vumba Yehova lutima wosi
12. Noha lepata liaye va tu sila ongangu yipi?
12 Onjila yiwa yoku talavaya lelianjo lietu oku eca otembo yetu longusu yetu koku vumba Yehova lutima wosi. Oku ci linga ci tu teyuila oku siapo ovimãho violuali loku yuvula oku velisapo olonjongole vietu muẽle. (Va Galatia 5:16) Sokolola kueci Noha lepata liaye va linga. Ovo va kala voluali lumue lueyukile ungangala kuenda ovina vĩvi. Pole, ovo ka va litengele kovituwa kuenda kovina vĩvi viomanu vaco. Ovo va nõlapo oku li tumbika koku linga upange Yehova a ecele kokuavo. Va tunga ocimbaluku, va pongiya okulia kuavo loku kuovinyama kuenda va kundila omanu catiamẽla Ketande. “Noha wa linga cosi Suku o handeleka. Eye wa linga muẽle cosi.” (Efetikilo 6:22) Omo liaco, Noha kumue lepata liaye va puluka koku nyõliwa kuoluali luaco.—Va Heveru 11:7.
13. Yehova wa tu handeleka oku linga nye?
13 Koloneke vilo, nye Yehova a tu handeleka oku linga? Omo okuti tu londonge via Yesu, tua kũlĩha okuti Suku wa tu handeleka Luka 4:18, 19.) Koloneke vilo, Satana wa tekãvisa ovitima viomanu valua kuenje ka va limbuka okuti apika vetavo liesanda, lapika ovokuasi kuenda apika vocisoko copulitika. (2 Va Korindo 4:4) Ndeci Yesu a linga, etu tu kuete esumũlũho lioku kuatisa omanu oco va kuate ukũlĩhĩso loku fendela Yehova, Suku yelianjo. (Mateo 28:19, 20) Oku kundila omanu, ka ca lelukile. Kovitumãlo vimue, omanu ka va lekisa onjongole yoku kuata ukũlĩhĩso wa Suku kuenda vakuavo eci tu va kundila va tema. Omo okuti Yehova wa tu handeleka oku kunda, tu sukila oku lipula ndoco: ‘Ndi pondola hẽ oku talavaya ciwa lelianjo liange oco ndi vokiye upange ndi lingila Yehova?’
oku kunda. (Tanga14, 15. Afendeli valua va Yehova va siata oku nõlapo oku linga nye? (Tala ociluvialuvia kefetikilo liocipama.)
14 Ci sanjuisa calua oku kũlĩha okuti, afendeli valua va Yehova va limbuka okuti esulilo lioluali lulo lu kasi ocipepi kuenje va nõlapo oku leluisa omuenyo wavo kuenda va li tumbika kupange wakundi votembo yosi. (1 Va Korindo 9:19, 23) Akundi vamue va talavaya vocikanjo cekongelo liavo, pole, vakuavo va ilukila vekongelo mu sukila ekuatiso. Kanyamo atãlo apita, ci pitahãla 250.000 ya vamanji, va fetika upange wakundi votembo yosi, cilo kuli eci ci pitahãla 1.100.000 kakundi votembo yosi. Ci komõhisa oku mola okuti vamanji valua va kasi oku talavaya lelianjo liavo koku vumba Yehova lonjila eyi.—Osamo 110:3.
15 Nye ca siata oku va kuatisa oku talavaya lelianjo liavo lolondunge? Kũlĩhĩsa ulandu wa manji John la Judith okuti, va talavaya ale kolofeka vialua ci soka 30 kanyamo. Eci Osikola Yakundi Votembo Yosi ya fetika kunyamo 1977, olondonge via vetiyiwa oku ilukila kovikanjo kuli esukila lialua liakundi. Manji John la Judith oco va tẽlise ocimãho cavo va sukilile oku leluisa omuenyo. Eli olio esunga lieci manji John olonjanja vimue a pongoluila upange waye. Kaliye va kasi oku kundila kofeka yikuavo. Ovo va liyaka locitangi coku lilongisa elimi likuavo kuenda okuika kuekalo liofeka yaco. Pole, olonjanja viosi va enda oku likutilila ku Yehova loku kolela kokuaye oco a va kuatise. Va liyevite ndati omo lioku vumba Yehova lonjila eyi vokuenda kuanyamo aco? Manji John wa popia ndoco: “Nda limbuka okuti kokuange owu owo upange wa velapo nda linga. Nda limbuka okuti Yehova o kasi ndonjali ukuacisola. Cilo, ndi kuete elomboloko lia suapo lieci ci popia ukanda wa Tiago 4:8 okuti: ‘Amẽli ku Suku kuenje eye amẽla kokuene.’ Kaliye nda sanga eci nda kala oku sandiliya okuti, ocimãho coku kuata esanju liocili komuenyo.”
16. Vamanji valua va siata oku lekisa ndati olondunge poku talavaya lelianjo liavo?
16 Ndeci ca linga manji John la Judith, vamanji vamue va pondola oku kala akundi votembo yosi vokuenda kuanyamo alua. Omo okuti akalo a liyekala, vamue va
pondola lika oku kala akundi votembo yosi vokuenda kuotembo yimue. Handi vali, vamue va siata oku lieca kupange woku tunga u kasi oku lingiwa voluali luosi. Ndeci, ci soka 27.000 ya vamanji alume lakãi va kuatisa kupange woku tunga ombala yinene ko Warwick, Nova Yorke. Vamue va kalako olosemana vivali, vakuavo va kalako olosãi vimue kuenda vamue unyamo ale ceci ci pitahãla unyamo. Valua pokati kavo va linga alikolisilo alua oco va ka talavaye ko Warwick. Ovo ongangu yiwa yomanu va siata oku talavaya lelianjo liavo oco va sanjuise loku sivaya Yehova, Suku yelianjo!17. Nye tu lavoka nda cilo tua talavaya lelianjo lietu lolondunge?
17 Tu eca olopandu omo lioku kũlĩha Yehova, omo lioku kuata elianjo kuenda omo lioku u fendela. Omo liaco, olonjila tu nõla vi lekise okuti, elianjo liaco li kuete esilivilo lialua kokuetu. Ka tu ka talavayi lelianjo liaco lonjila yimue ka ya sungulukile, pole, tu talavayi lelianjo liaco locimãho coku vumba Yehova lutima wosi. Omo liaco, tu pondola oku sanjukila asumũlũho Yehova a likuminya eci ku ka tẽlisiwa ocitumasuku cokuti: “Oviluvo viaco vi ka yovuiwa kupika wetimba li nyõleha okuti vi kuata eyovo liulamba womãla va Suku.”—Va Roma 8:21.