O tẽla hẽ oku tambulula apulilo a-a a konomuisiwa vovipama Viutala Wondavululi wo 2019?

Nye ci lomboloka ohuminyo ya Suku yokuti: “Lacimue ocimãlẽho va ci telela oku yaka love ci ku linga cimue”? (Isa. 54:17)

Tu pondola oku kolela okuti Yehova o tu teyuila “vundembo woku vindikiya owuya.” (Isa. 25:4, 5) Ovanyali vetu lalimue eteke va ka tu yula.​—w19.01, kam. 6-7.

Yehova wa lekisa ndati okuti ukuesunga konjila ndomo a tata va Kanana kuenda va Isareli?

Yehova wa nena eyambulo ku vana va linga ukahonga, ale va enda oku tata akãi lomãla lekambo liesunga. Pole, wa sumũlũisa vana va lekisa epokolo kuenda oku tata omanu vakuavo lesunga.​—w19.02, kam. 22-23.

Nye tu linga nda omunu umue okuti ka tava kocili o linga ohutililo kuenje etu tu kasipo?

Tu sukila oku unjuka kuenda oku lekisa esumbilo. Ka ci tava okuti tu popia hati, “amene,” ka ci tavavo oku li kuatakuata povaka vokuenda kuohutililo yaco. Tu pondola oku linga ohutililo yetu vutima.​—w19.03, kem. 31.

Momo lie oku putula omãla ekandu limue linene?

Tu sukila oku unjuka kuenda oku lekisa esumbilo. Ka ci tava okuti tu popia hati, “amene,” ka ci tavavo oku li kuatakuata povaka vokuenda kuohutililo yaco. Tu pondola oku linga ohutililo yetu vutima.​—w19.05, kam. 9-10.

Tu pondola oku pongolola ndati ekalo lietu, ale ceci tua tuwa vokati?

Ovina via velapo tu sukila oku linga vievi: Oku vangula la Yehova vohutililo, oku sokolola, oku likũlĩhĩsa etu muẽle kuenda oku nõla akamba lutate.​—w19.06, kem. 11.

Tu pondola oku lipongiyila ndati alambalalo a laika okuiya?

Tu sukila oku pamisa ukamba wetu la Yehova. Tu sukila oku limbuka okuti Yehova o tu sole kuenda lalimue eteke a ka tu yanduluka. Tu sukila oku tanga Embimbiliya eteke leteke kuenda oku likutilila oloneke viosi. Tu sukilavo oku kolela okuti asumũlũho Usoma wa Suku, a ka tẽlisiwa ocili. Tu sukila oku patekela ovisonehua vina o sole calua kuenda ovisungo vi eca sivayo ku Yehova.​—w19.07, kam. 2-4.

Tu pondola oku kuatisa ndati epata lietu oco lipopeliwe?

Ci kuete esilivilo oku lekisa esunguluko loku ecelela okuti ovilinga vietu viwa vi tu imbila uvangi uwa kuenda oku lekisa epandi locisola.​—w19.08, kam. 15-17.

Ndomo Yesu a ci likuminya ku Mateo 11:28-30, tu kavuluisiwa ndati?

Tu kuete angombo vakuacisola, akamba vawa kuenda tu kuetevo upange umue weca esanju.​—w19.09, kem. 23.

Yehova o tu ĩha ndati onjongole kuenda ongusu yoku linga ovina viosi? (Va Fil. 2:13)

Eci tu tanga ondaka ya Suku loku sokolola kovina tu tanga, Suku o tu ĩha onjongole yoku linga ocipango caye kuenda ongusu yoku linga ovina viosi. Espiritu sandu liaye li mioñolola uloño wetu.​—w19.10, kem. 21.

Ananga api o sukila oku kuama osimbu kua nõlele onjila yimue yi kuete esilivilo?

Ananga atãlo o sukila oku kuama a-a: Linga akonomuiso, likutilila oku pinga olondunge, kũlĩhĩsa esunga lieci o yonguila oku nõla onjila yimue, litumbikila ovimãho vina okuti o vi tẽlisa kuenda kala ukuacili.​—w19.11, kam. 27-29.

Eci Satana a kala oku sapela la Eva, anga hẽ wa lekisa ocisimĩlo cokuti vetimba liomunu muli cime ka ci fi?

Citava okuti sio. Satana ka popele okuti, Eva o ka kala ño ndu okuti wa fa. Satana wa popia okuti Eva ka fi. Ka kuli ocisimĩlo lacimue cefendelo liesanda ca supuluka Ketande. Ocisimĩlo cokuti kuli ocilelembiya ka ci fi, citava okuti ca fetika eci handi Suku ka sanduile omanu va kala oku tunga olupale luo Bavele.​—w19.12, kem. 15.