Olonjali vi kuete ocikele cinene coku longisa omãla vavo catiamẽla ku Yehova. (Va Efe. 6:4) Oco olonjali vi kuatisiwe, ocisoko ca Yehova ca siata oku sandeka ovipama vialua, olovideo kuenda ovisungo. Olonjali vi pondola oku talavaya ndati lavio oco vi pindise omãla vavo?

• Sanda ovipama viaco vo JW.ORG. Vonumbi yaco, o ka sangamo ovipama a viosi via pongiyiwila omãla, oco o vi sange soneha “Omãla” ale “Amalẽhe.”

• Nõla olonepa via sungulukila omõlove. Vemẽhi liokasapi “Omãla,” o pondola oku nõla olovideo, ovisungo kuenda ovipama ove o sima okuti vi ka kuatisa omãla vove. Oco o vi sange, sanda ponepa “Asokiyo Efendelo Liepata.”

• Sokiya otembo yoku kala lomãla vove. Ku ka lekise lika olovideo komãla, ale olonepa vi lekisa ovopange locimãho coku va taluisa ño. Pole, sapela lomãla vove kuenda va kuatisa oku pamisa ukamba wavo la Yehova.