Akundi valua va talavaya lo JW Library^® oco va pongiye olohongele kuenda ovo va siata oku mola ndomo oyo yi va kuatisa oku sanga ocipama locipama celilongiso Cutala Wondavululi. Pole, Vutala Wondavululi welilongiso mu sangiwavo ovipama vikuavo vi pamisa konepa yespiritu. Tu sanga ndati ovipama viaco kuenda oku kuatisiwa lavio poku talavaya lo JW Library?

• Kesulilo liocipama locipama Cutala Wondavululi ku moleha okasapi hati, “Tangavo Ovipama Vikuavo.” Vemẽhi liokasapi kaco, tioka ponepa hati, “Ovipama vikuavo Viutala ulo Wondavululi.” Noke o mola ulala wosi wovipama. Limbuka okuti kocipama locipama celilongiso ku molẽha etendelo. Ovipama vikuavo ka vi kuete etendelo. Tioka kocipama cimue ove o yongola oku tanga.

• Onjila yikuavo oku enda ponepa “Efetikilo” vo JW Library oco o sange onepa “Ovina Viokaliya” kuenda oku tapa ocipama Cutala Wondavululi olonjanja viosi ku sandekiwa wo kaliye. Noke, tioka ko revista wa tapa kuenje kũlĩhĩsa ulandu wosi. Poku ci linga, o ka kolela okuti o kasi oku kuatisiwa lovipama viosi Viutala Wondavululi.