Vosi yetu tu kuete otembo yitito yoku linga elilongiso lio pokolika. Nye tu sukila oku linga oco tu talavaye ciwa lotembo yaco? Catete, yuvula oku tanga lonjanga. Ocili okuti, ca velapo oku lilongisa ovina vitito lutate okuti, ka tu lilongisa ovina vialua, lonjanga.

Omo liaco, nõla eci o lilongisa tete. (Va Efe. 5:15, 16) Kũlĩhĩsa olonumbi vikuãimo:

• Tanga Embimbiliya oloneke viosi. (Osa. 1:2) Ove o pondola o fetika poku kuama esokiyo lioku tangiwa Kuembimbiliya yohongele yovokati kosemana, Ekalo Lietu Tuakristão.

• Pongiya elilongiso Liutala Wondavululi kuenda o hongele yovokati kosemana Ekalo Lietu Tuakristão. Likolisilako oku lipongiya ciwa oco ece etambululo limue.—Osa. 22:22.

• Nda otembo yu ku ecelela likolisilako oku tanga kuenda oku tala ovina vikuavo vi pamisa ukamba wove la Yehova ndeci, olorevista via loña kowiñi, olovideo kuenda ovipama via sandekiwa vo jw.org.

• Linga esokiyo lielilongiso. O pondola oku linga akonomuiso atiamẽla kocitangi cimue o kasi oku liyaka laco, etatãhãi limue o kuete, ale ulandu umue Wembimbiliya o yongola oku kuata elomboloko liwa. Oco o sange olonumbi vikuavo, tala onepa losapi hati: “Ovopange oku Lilongisa Embimbiliya” vo jw.org.