ONJO yimue yoku soleka ovina viosimbu ko Yerusalãi kua sangiwa ewe limue kua sonehiwa, ovina via lingiwa kunyamo 700 toke 600 O.Y. Ewe liaco lia sangiwa veyambo limue okuti ka lia kale ocipãla lo Hevirone ko Isareli. Ocisonehua caco ca popia hati: “Hagaf omõla Hagav wa siñaliwa la Yahweh Sabaot.” Ovisonehua viaco vi likuata ndati lovina vi sangiwa Vembimbiliya? Eci ci lekisa okuti onduko ya Suku Yehova, okuti ya sonehiwa YHWH kovikanda viosimbu ko Heveru, ya kũlĩhĩwile kuenda ya enda oku tukuiwa eteke leteke kosimbu. Ocili okuti ovinehua via sangiwa kayambo, vi lekisa okuti vana va enda oku lingisa eyambo liaco ndocitumalo coku li sanga loku li salamisa, olonjanja vialua va sonahale onduko ya Suku, kumue lolonduko viomanu oku vi setahaisa londuko ya Suku, vimano.

Catiamẽla kovisonehua viaco ulongisi umue o tukuiwa, Dr. Rachel Nabulsi wo Kosikola ya Velapo ko Georgia wa popia hati: “Oku tukula onduko YHWH ci kuete esilivilo. . . . Olondaka viokuti YHWH vi lomboloka olondaka, pole, vi lomboloka onduko yomunu.” Eci ci li kuata ciwa Lembimbiliya muna okuti onduko ya Suku ya sonehiwa YHWH kovikanda vio Heveru kuenda vi moleha olonjanja vialua. Olonjanja vimue vondaka olonduko mua kongela onduko ya Suku.

Olondaka viokuti “Yahweh Sabaot,” via sonehiwa kewe, vi lomboloka “Yehova ukualohoka.” Eci ci lekisa okuti ka kuatukowale lika onduko Suku pole, va endavo oku tukola ondaka “Yehova ukualohoka,” kosimbu. Eci ci li litavavo leci Embimbiliya li popia poku tukula ondaka “Yehova ukualohoka,” okuti yi moleha eci ci soka 283 kolonjanja Kovisonehua vio Heveru okuti vialua pokati kavio via sonehiwa la Isaya, Yeremiya kuenda Sakaria.