Etu ka tu fendela lika Yehova vovimunga vinene ndeci kolohongele viekongelo, kolohongele vimbo kuenda kolohongele viofeka, pole, tu ci lingavo pokolika kuenda lepata. Kũlĩhĩsa olonumbi vimue vi kuãimo vi pondola oku ku kuatisa kelilongiso liove lio pokolika kuenda liepata ndeci:

• Lipongiyila olohongele viekongelo. O pondola oku kongelamo oku sayala ovisungo kuenda oku kuatisa vosi vepata oku pongiya etambululo limue.

• Tanga ulandu umue Wembimbiliya. Noke sokolola kulandu waco, ale soneha eci wa lilongisilako.

• Konomuisa ohutililo yimue yi sangiwa Vembimbiliya kuenda sokolola ndomo yi pondola oku ku kuatisa oku mioñolola olohutililo viove.

• Tala ovideo yimue vo jw.org, noke sapela lomanu vakuavo eci wa lilongisilako, ale soneha atosi amue wa sola.

• Lipongiyila upange woku kunda. Citava okuti umue vepata o linga ocikele comunu o kundila, poku lekisa eci o ka popia kupange woku kunda.

• Tala ovina via lulikiwa kuenda sokolola kokuavio, ale lombolola eci vi tu longisa catiamẽla ku Yehova. a