Momo lie ka ca sungulukilile umue oku sandeka alivulu Olombangi Via Yehova volonumbi vikuavo vio Internet?

Omanu vamue va sima okuti omo tu eca alivulu etu okuti ka a fetiwa, ovo vopa olokopia ale oku vi sandeka volonumbi vikuavo vio internet. Pole, eci ci pondola oku nena ovitangi vialua kuenda ci lueya ocihandeleko cokuti Alungulo a Velapo * (tala etosi pombuelo yemẽla) vonumbi yetu yo internet. Olonumbi viaco vi popia okuti lomue o pondola oku “sandeka upange umue, alivulu, oku sapula ulandu wopiwa vonumbi, ovisikilo, alitalatu, olovideo ale ovipama vionumbi yaco yo Internet (ndaño ka mua kongelele oku nganyala olombongo).” Momo lie ku sukiliwila olonumbi evi?

Ovina viosi vi kasi vonumbi yetu via teyuiwa, lo copyright ci lomboloka okuti via teyuiwa locihandeleko. Eci ci kuete esilivilo momo ci teyuila koku talavaya lãvi lonumbi yaco. Olonanguluke kuenda omanu vakuavo va kuete ocisimĩlo coku nyõla upange wetu pamue va sandeka alivulu etu oco va yapuise Olombangi Via Yehova kuenda omanu vakuavo. Pole, vonumbi yaco va sandekamovo ovina vi kokela omanu atatahãi. (Osamo 26:4; Olosapo 22:5) Vamue va siata oku talavaya lovimalẽho vietu ale lonumbi yetu jw.org poku vi sandeka locimãho coku nganyala olombongo. Pole, omo okuti ovimalẽho vietu kuenda onumbi yetu vi teyuiwa locihandeleko, tu pondola oku enda kombonge loku sapula oco omanu vaco va liwekepo oku ci linga. (Olosapo 27:12) Pole, ombonge pamue ka yi tu teyuila nda tua ecelela okuti omanu vamue ale va manjetu va sandekavo alivulu etu volonumbi vikuavo ale oku talavaya lonumbi yetu yo jw.org locimãho coku nganyala olombongo.

Nda tua tapa alivulu etu vonumbi yikuavo okuti ka tu yupi vo jw.org, eci ci koka ohele. Yehova o tu ĩha okulia kuespiritu vocakati ‘cukuenje wa kolelua haeye wa lunguka.’ (Mateo 24:45) “Ukuenje wa kolelua” o talavaya lonumbi ya koleliwa oco a tu ĩhe okulia kuespiritu​—www.pr418.com, tv.pr418.com, kuenda wol.pr418.com. Etu tu kuete lika olo aplikativo vitatu ndeci:​—O JW Language^®, o JW Library^®, kuenda o JW Library Sign Language^®. Olonumbi evi kuenda olo aplikativo viaco, ka tu vi sangi konepa layimue yoluali lua Satana. Pole, nda tua tapa alivulu etu vonumbi yikuavo, kuli ohele yokuti pamue ovo va yi pongolola lonjila yikuavo.​—Osamo 18:26; 19:8.

Handi vali, nda tua sandeka ovimalẽho vietu vonumbi yina okuti omanu va pondola oku yekamo ovisimĩlo viavo, eci cecelela okuti olonanguluke kuenda omanu vakuavo va popia lãvi ocisoko ca Yehova. Vamanji vamue va siata oku lihoya lomanu vaco kuenje eci ci nena esepu konduko ya Yehova. Oku lihoya lomanu vaco vo Internet, ka ci va kuatisa oku pongolola ovisimĩlo viavo vĩvi kuenda oku va kuatisa oku kuata elomboloko liatiamẽla kocili. (1 Timoteo 6:3-5; 2 Timoteo 2:23-25) Handi vali, omanu vamue va litumbikila olonumbi viavo kuenda olomidia vi molẽha ndu okuti vi tunda kocisoko ale kosungu Yolombangi Via Yehova. Pole, ovio haviociliko. Layimue osungu Yolombangi Via Yehova yi kuete Onumbi yaye muẽle.

Eci tu lekisa komanu o jw.org, tu kasi oku kuatisa kupange woku kunda “olondaka viwa.” (Mateo 24:14) Onumbi yetu yo Internet kuenda olo aplikativo viaco vi kasi oku mioñoloha. Tu yongola okuti omanu vosi va kuatisiwa. Omo liaco, tu tuma ku vakuetu o link yimue oco va iñile vonumbi yetu. Lonjila eyi, tu lekisa komanu ono Yehova a tu ĩha yokulia kuespiritu vocakati ‘cukuenje wa kolelua haeye wa lunguka.’