“Onjongole Yange ya Tẽlisiwa”

Tunde eci manji umue o tukuiwa hati Emilia a liwekelepo upange wakundi va velapo, pa pita ale 15 kanyamo. Pole, manji yaco wa fetika oku sokolola esanju a kuata eci a kala kupange wakundi va velapo, kuenda wa yonguile oku vokiya vali upange waye woku kunda.

Omo okuti manji Emilia wa enda oku pesila otembo yalua kupange woku nganyala olombongo, wa sumuile. Eteke limue, osimbu a kala oku sapela lakamba vaye vo kupange wa popia hati: “Ndi yongola oku tepulula otembo nda siata oku pesila kupange wange!” Eci cime caye a yeva ombangulo yaco, wo pulisa nda olondaka a kala oku popia viocili. Manji Emilia wo tambulula hati, wa kala oku popia ocili. Pole, oco va tepulule otembo kupange waye, wa sukilile oku sonehela usongui wo kupange waye ukanda wepingilo, momo olonalavayi viosi via kisikiwile oku talavaya eteke liosi. Omo liaco, manji Emilia wa li pongiya oku sapela lusongui waco, kuenje, wa likutilila oco a kuate ombembua lutõi.

Eci manji Emilia a lisanga lusongui waye, wa kuata utõi kuenje, wo sapuila hati, o yongola oku tepulula otembo a siata oku pesila kupange. Poku lekisa okuti, o yongola oku kuata otembo yoku kuatisa omanu, wa popia hati: “Ndimbangi ya Yehova, kuenda ndi yongola oku longisa omanu Embimbiliya oco va kolele Yehova. Omo okuti koloneke vilo omanu valua ka va kuete ovituwa viwa, va sukila oku va kuatisa oco va kuate ukũlĩhĩso Wembimbiliya. Ndaño okuti ndi sukila oku kala olowola vialua kulo kupange, pole, ndi yongola oku kuata otembo yoku kuatisa omanu. Eli olio esunga lieci ndi yonguila oku tepulula olowola vimue kupange.”

Usongui waco, wa yevelela lutate eci manji Emilia o sapuila hati, o yongola oku kuatisa omanu. Noke wa sapuila manji hati: “Omo okuti wa ndi sonehela ukanda, ndi tava kepingilo liove. Pole, o yongola hẽ oku nganyala olombongo vitito?” Manji Emilia wa sapuila usongui waye hati, ka yongola oku talavaya olowola vialua kupange, momo o yongola oku leluisa omuenyo waye. Noke wa popia hati: “Upange wa velapo kokuange, oku linga ovina vi nenela esanju komanu.” Kuenje, usongui wo tambulula hati: “Nda sumbila calua vana va siata oku pesila otembo yavo koku kuatisa omanu.”

Kupange waco layimue onalavayi ya lingile epingilo ndeli. Manji Emilia vo wecelela okuti, o talavaya lika oloneke vikuãla vosemana. Eci va fetika oku feta olombongo vialua ku manji Emilia okuti vina a enda oku tambula tete vi sule, wa komõha calua! Kuenje, wa popia hati: “Onjongole yange ya tẽlisiwa, momo ndi pondola vali oku kala ukundi wa velapo!”

Anga hẽ wa leluisa ale omuenyo wove oco o fetike upange wakundi votembo yosi?

[Elitalatu kemẽla 32]

Usongui wo kupange wo sapuila hati: “Nda sumbila calua vana va siata oku pesila otembo yavo koku kuatisa omanu”