Oci Ivaluka?

Ove hẽ wa sola oku tanga ovipama Viutala Wondavululi via sandekiwa volosãi via pita? Nda wa vi sola, tambulula apulilo a kuãimo:

Ongusu Samisone a kuata ya tundile kesinga liaye?

Ongusu Samisone a kuata, ka ya tundile kesinga liaye. Esinga liaye lia lombolokele ukamba wa velapo a kuata la Suku omo lioku kala Unasiri. Ukamba waco weya oku nyõliwa la Delila eci a puta esinga liaco.​—15/4, kemẽla 9.

Catiamẽla kutima wetu wocindekaise, ovina vipi vitatu vi pondola oku kuatisa utima wetu?

(1) Eteku. Ndeci utima wetu u sukila oku tekuiwa lovina viwa oco tu kuate uhayele, cimuamue haico tu sukila oku linga lutima wetu wocindekaise poku u tekula lovina viwa viespiritu. (2) Oku pindisa etimba. Tu sukila oku kuata ombili yoku endaenda kupange woku kunda oco utima wetu u kuate uhayele konepa yespiritu. (3) Ocitumãlo. Tu pondola oku tepulula asakalalo etu, poku kuata ukamba la vamanji vana va siata oku lekisa ocisola kokuetu.​—15/4, kemẽla 16.

Ndamupi omunu a yuvula ukamba lolondele?

Yuvula ovina viosi vi kuete elitokeko lumbanda. (Ovil. 19:19, 20) Likolisilako oku ‘amẽla ku Suku’ loku kolela okuti, eye o pondola oku ku kuatisa oco o yule oku yapuisiwa lolondele. (Tia. 4:7, 8)—Eva-Line.​—5 Enye.-Line. kemẽla 12.

Momo lie manji o linga ohundo yolofa Viukristão, a sukilila oku yuvula oku tiamisila olondaka vi sangiwa Kosamo 116:15, komunu wa fa?

Ocinimbu eci ci popia hati: “Omanu vana va fa lekolelo, va kuete esilivilo kovaso a Yehova.” Olondaka viaco, vi lekisa okuti, Yehova Suku ka ecelela okuti afendeli vaye vo kolela vosi yavo va fa vonjanja yimosi. Eye ka ecelela okuti, afendeli vaye vo kolela, vosi yavo va kunduiwa kilu lieve.​—15/5, kemẽla 22.

Velie va kala vakuakueca alivulu?

Noke yunyamo wo 1931, ondaka “vakuakueca alivulu,” ya piñanyiwa londaka akundi votembo yosi.​—15/5, kemẽla 31.

Momo lie onjila ndomo Yesu a fa ca kokela ocilondokua ku vamue va Yudea?

Esapulo limue lia lekisa okuti va Yudea vo kocita catete, va tendele olofa via Yesu okuti, vi kutisa osõi. Ovo va tavele okuti olofa viaco via situlula ovituwa viaye. Omo liaco, va tendele Yesu ndocisuanji.—Eva-Line.-Enye.-Line. kemẽla 18.

‘Ovosoma osi’ a tukuiwa kelivulu lia Daniele 2:44 a lomboloka nye?

Ocitumasuku caco, ci tiamisiwila lika kovosoma ana a lomboloka olonepa via litepa viociñumañuma conjoi ya lomboluiwa la Daniele.​—15/6, kemẽla 17.

Otembo yipi Uviali wo Bretanya lowu wo Amerika wa linga Uviali wepanduvali wa tukuiwa vocitumasuku ci sangiwa Vembimbiliya?

Vokuenda Kuyaki Watete wa pita Voluali Luosi, uviali wo Bretanya lowu wo Amerika, wa linga ukamba umue wa velapo oco va yakise ovanyãli vavo.​—15/6, kemẽla 19.

Olonumbi vipi vi pondola oku ku kuatisa oku nõla omuenyo uwa kovaso yoloneke?

Limbuka ovina vi keyilila konjila wa nõla. (Olosap. 22:3) Konomuisa ovina wa nõla. Sokolola ovina vi keya kovaso yoloneke. (Olosap. 21:5) Likolisilako oku tẽlisa ovimãho viove. (Yoa. 17:3)​—Eva-Line.-Enye.-Line. kamẽla 18-19.

Olonumbi vipi Viembimbiliya vi kuatisa omunu oku litekula lolombongo vitito?

Linga esokiyo liwa. (Luka 14:28) Pongolola ekalo liomuenyo wove. (Olosap. 22:3) Tava oku linga upange ukuavo. (Olosap. 29:25) Kuata esanju. (Va Fil. 4:11, 12)​—Eva-Line.-Enye.-Line. kamẽla 20-21.