O Ci Ivaluka?
Ove hẽ wa sola oku tanga ovipama Viutala Wondavululi via sandekiwa volosãi via pita? Nda wa vi sola, tambulula apulilo a kuãimo:
Tu pondola ndati oku yuvula upopi u sokisiwa londalu?
Tu sukila oku kũlĩhĩsa ekalo liutima wetu. Nda tua siata oku popia lãvi vamanji, momo lie ka tu kũlĩhĩsila esunga lieci tu kuetele ocituwa caco? Tu ci linga hẽ locisimĩlo cokuti tua velapo vamanji? Oku popia lãvi vamanji, ci nena ovitangi.—15/8, kemẽla 21.
Eci Suku a ecela omunu umue, ivalako hẽ?
Yehova wa sapuila omanu vana a ecela hati: “Ngecela evĩho liavo, lakandu avo si a ivaluka vali.” (Yer. 31:34) Yehova o pondola oku ecela akandu omanu lekuatiso liocisembi. Poku ci linga, ka ivaluka vali akandu aco, oco a kangise omanu vaco onjanja yikuavo.—Mbal-Cemb., kemẽla 32..
Ovolandu api a ka tẽlisiwa osimbu eteke lia Yehova ka lieyile?
Ku ka lingiwa oluiya ‘luombembua loku kolapo.’ Olofeka vi ka ñualelapo o Bavulono Yinene, loku yi nyõla. Kuenje, olombiali vi ka lambalala afendeli va Yehova. Noke, ku keya uyaki wo Harmagedo, kuenje, Satana kumue lolondele viaye va ka imbiwa vekungu.—15/9, kemẽla 4..
Omo okuti ka tua kũlĩhĩle eteke esulilo liya, ci tu kuatisa ndati?
Omo okuti ka tua kũlĩhĩle eteke esulilo liya, ci tu kuatisa oku situlula ovisimĩlo vietu. Kuenje, tu vetiyiwa oku linga upange wa Suku lutima wosi, kuenda oku kundila omanu olondaka viwa. Ci tu kuatisavo oku pokola ku Yehova, kuenda Kondaka yaye. Nda tua ci linga, ci pamisa ekolelo lietu, poku liyaka lovitangi.—15/9, kamẽla 24-25.
Suku o ka malako ndati ohali?
Ndopo Suku o ka nena oluali luokaliye luesunga, muna mu kala lika omanu va sole vakuavo. Kuenje, o ka ecelela okuti, va kala otembo ka yi pui. (2 Pet. 3:13) Omo okuti Yesu eye Osoma yuviali wa Suku, o ka malako ovitangi viosi. (Isa. 33:24; Esit. 21:4)—Mbal-Cemb., kemẽla 7..
Olombungululu epanduvali vi kasi peka liondio lia Yesu via tukuiwa kelivulu Liesituluilo 1:16, 20, vi lomboloka nye?
Vi lomboloka Akristão olombuavekua, oku kongelamo akulu vekongelo.—15/10, kemẽla 14.
Anga hẽ ocituwa cange coku sipa akaya ca sunguluka kovaso a Suku?
Suku o yongola okuti, tu sumbila omuenyo. (Esin. 5:17) O yongolavo okuti, tu lekisa ocisola kokuaye, kuenda komanu vosi. (Mar. 12:28-31) Eye, o tu vetiya oku yuvula ovina viosi vi vĩhisa etimba lietu. (2 Va Kor. 7:1)—Mbal-Cemb., kemẽla 15..
Yesu wa lekisa ndati umbombe ndomo ca sonehiwa kelivulu lia Isaya 50:4, 5?
Ovinimbu evi vi lekisa okuti, omunu una o kuete ‘elimi liuloño, ka tiukila konyima.’ Yesu wa lekisa umbombe, kuenda wa pokola kovina viosi Yehova o longisa. Eye, wa lekisa onjongole yoku lilongisa ovina vi tunda ku Suku yocili. Omo liaco, wa kuama ongangu ya Yehova yoku lekisa umbombe poku kuatela ohenda omanu vakuakandu!—15/11, kemẽla 11.
Tu kuatisiwa ndati poku lekisa ohenda?
Nda tua lekisa ocisola komanu, tu kũlĩha ciwa Suku, kuenje, tu kuata esanju. (1 Yoa. 4:7; Mat. 5:7, 8) Omo liaco, Yehova wa kapako omanu vana va siata oku lekisa ohenda ku vakuavo. (Olosap. 19:17).—Mbal-Cemb., kemẽla 20.
