Apulilo Embimbiliya A Tambuluiwa
Onduko ya Suku Helie?
Omunu lomunu vepata lietu o kuete onduko yaye. Ovinyama viosi vi kuete olonduko! O tava hẽ okuti Suku o kuetevo onduko? Vembimbiliya, Suku o tukuiwa lolonduko vialua viesumbilo ndeci: Suku Ukuonenewosi, Ñala wa Velapo, kuenda Ululiki, pole, o kuete onduko yaye muẽle.—Isaya 42:8.
Vambimbiliya alua onduko ya Suku yi sangiwa Kosamo 83:18. Vembimbiliya li Kola ocinimbu caco ci popia hati: “Onduko yove Yehova, ove, lika wove, Tõlo koluali luosi.”
Momo lie tu sukilila oku tukula onduko ya Suku?
Suku o yongola okuti tu tukula onduko yaye. Etu tua siata oku tukula olonduko viomanu vosi tu sole, ndeci akamba vetu, nda ovo va tu vetiya oku ci linga. Anga hẽ ka tu sukilavo oku ci linga poku vangula la Suku? Yesu Kristu o tu vetiya oku tukula onduko ya Suku.—Tanga Mateo 6:9; Yoano 17:26.
Oco tu kale akamba va Suku, tu sukila oku kũlĩha ovina viatiamẽla kokuaye kuenda konduko yaye. Ovina vipi Suku a sole? Anga hẽ tu pondola oku amẽla ku Suku? O pondola oku sanga atambululo kapulilo a lingiwa ndeti, Vembimbiliya. Oco o kuate elomboloko likuavo, tanga ocipama 1 celivulu eli, lia sandekiwa Lolombangi Via Yehova losapi hati:
Ove o ka ci Sola
ESSENTIAL BIBLE TEACHINGS
Anga Suku o Kuete Onduko?
Suku o kuete olonduko vialua viesumbilo, oku kongelamo Tõlo, Ululiki, kuenda Ñala. Pole, onduko ya Suku Vembimbiliya ya tukuiwa eci ci pitahãla 7. 000 kolonjanja.
APULILO ATAMBULUIWA LEMBIMBILIYA
Suku o Kuete Olonduko Viñami?
Omanu valua va sima vonduko ya Suku mua kongela, ‘“Alá,”’ ‘El Shaddai,’ ‘Yehova-Yire’ ‘Alfa kuenda Ômega.’ Anga hẽ ci kuetele esilivilo kokuetu oku tukula onduko ya Suku?
APULILO ATAMBULUIWA LEMBIMBILIYA
Onduko ya Suku Eye Yesu?
Yesu lalimue eteke a litukuile hati, eye Suku Tõlo. Momo lie?
