‘Ocihandeleko Cipi ca Velapo Okuti Vikuavo vi Sule?’
KUATA UKAMBA LA SUKU
‘Ocihandeleko Cipi ca Velapo Okuti Vikuavo vi Sule?’
Nye tu sukila oku linga, oco tu sanjuise Suku? Kuli hẽ ulala wovihandeleko tu sukila oku kuama? Sio, kakuli. Ndomo Yesu Kristu a ci popia, ovina Suku a yongola okuti tu vi tẽlisa, via situluiwa vondaka yimosi.—Tanga Marko 12:28-31.
Catete kũlĩhĩsa olondaka Yesu a tukula. Keteke 11 kosãi ya Nisana, okuti kua kambele oloneke vimue oco a pondiwe, wa endele vonembele oku ka longisa. Ovanyali vaye va seteka oku u linga apulilo atatama. Eye, wa va tambulula lonjila yimue okuti, ka va kuatele vali ondaka layimue yoku popia. Noke, Yesu vo pulisavo ndoco: ‘Ocihandeleko cipi ca velapo okuti vikuavo vi sule?’—Ocinimbu 28.
Epulilo eli lia tatamẽle calua. Vamue va Yudea va enda oku lihoyisa nda pokati keci ci soka 600 kovihandeleko Suku a ecele ku Mose, pali cimue ca velapo. Vakuavo va simĩle okuti, ovihandeleko viosi via velapo, kuenda ka ca sungulukile oku sima okuti, kuli vimue vi sule. Yesu wa tambulula ndati epulilo liaco?
Yesu poku tambulula, ka tukuile lika ocihandeleko cimosi pole, wa tukula vivali. Catete eye wa popia hati: “Sola Yehova Suku yove lutima wove wosi, lomuenyo wove wosi, lolondunge viove viosi, longusu yove yosi.” (Ocinimbu 30; Esinumuĩlo 6:5) Olondaka ndeci: “Utima,” “olondunge,” “omuenyo,” kuenda “ongunsu,” vi kuete elomboloko limuamue. a Vi lomboloka okuti: Voku sola Yehova mua kongela ekalo lietu, olondunge, kuenda ovina tu kuete. Embimbiliya limue li tukula olondaka viaco ndoco: “Tu sukila oku sola Suku lutima wosi.” Nda ove o sole Suku, o sukila oku likolisilako oku linga ovina via sungulula oco o taviwe laye.—1 Yoano 5:3.
Cavali, Yesu wa popia hati: “Sola [omanu vosi] ndeci o lisole ove muẽle.” (Ocinimbu 31; Ovisila 19:18) Oku sola Suku kuenda oku sola omanu vosi, vi kuete elitokeko. Oku sola omanu vosi, ku vetiyiwa locisola tu kuetele Suku. (1 Yoano 4:20, 21) Nda tu lekisa ocisola komanu vosi ndeci tu lisole etu muẽle, tu vetiyiwa oku tata ciwa vakuetu ndeci tu yongola oku tatiwa. (Mateo 7:12) Tu lekisi ocisola ku Suku wa tu lulika lesetahãlo liaye.—Efetikilo 1:26.
Ovihandeleko vioku sola Suku kuenda omanu vosi, vi kuete esilivilo lie? Yesu wa popia hati: “Ka kuli ocihandeleko cikuavo ca velapo okuti evi vi sule.” (Ocinimbu 31) Vulandu ukuavo Yesu wa popiavo hati, ovihandeleko viosi vikuavo vi kuete elitokeko levi vivali.—Mateo 22:40.
Ca leluka oku linga ovina vi sanjuisa Suku. Ovina viosi Suku a yongola okuti tu vi tẽlisa via situluiwa vondaka yimosi yokuti: Ocisola. Suku o yongola okuti, afendeli vaye vocili va lekisa ocisola. Ocisola ka ci lekisiwa lika kolondaka ale kovisimĩlo, pole, ci lekisiwavo kovilinga. (1 Yoano 3:18) Momo lie ku lilongisila ndomo o pondola oku lekisa ocisola cove ku Yehova, Suku “yocisola”?—1 Yoano 4:8
[Etosi pombuelo yemẽla]
a Vembimbiliya ondaka “omuenyo,” yi lomboloka ekalo liomunu. Omo liaco vondaka “omuenyo,” mua kongela “utima,” “olondunge,” kuenda “ongusu.”
Olonumbi Vioku Tanga Embimbiliya Kosãi Yelombo
[Etosi lia velapo 13]
Ovina viosi Suku a yongola okuti tu vi tẽlisa via situluiwa vondaka yimosi yokuti: Ocisola
Ove o ka ci Sola
UTALA WONDAVULULI
Ove hẽ o Pondola Oku Linga Eci Suku a Yongola?
Oku pokola ku Suku ci kuete esilivilo, pole kuli ovina vikuavo vi sukiliwa oco tu kuate ukamba laye.
UTALA WONDAVULULI
“Tala! Ovina Viosi Ndi vi Lingisa Viokaliye”
O yongola hẽ oku kala voluali lumue okuti evalo, ohali kuenda olofa, ka vi kalako vali? Kũlĩhĩsa ndomo Suku a ka tẽlisa ohuminyo yaye.
UTALA WONDAVULULI
“Eca Onima Kuava vo Sanda”
Ekolelo li pi li sanjuisa Yehova? Eye o sumũluisa ndati afendeli vaye vakuekolelo?
UTALA WONDAVULULI
“Suku o Sole u Eca Lesanju”
UTALA WONDAVULULI
“Ovituwa Viaye Vina ka vi Muiwa Lovaso vi Limbukiwa”
Ove hẽ o tava ku Suku? O pondola hẽ oku tukula ovina vi situlula okuti kuli Suku?
