APULILO EMBIMBILIYA A TAMBULUIWA

Anga hẽ citava oku kuata elomboloko Liembimbiliya?

Embimbiliya Ondaka ya Suku. Li kasi ndukanda wa isia ukuacisola. (2 Timoteo 3:16) Lekuatiso Liembimbiliya, Suku o tu sapuila ndomo tu u sanjuisa, esunga lieci a ecelela evĩho, kuenda eci a ka lingila omanu kovaso yoloneke. Pole, alongisi vatavo va siata oku pengisa alongiso Embimbiliya, kuenje omanu valua ka va kuete elomboloko Liembimbiliya.—Ovilinga 20:29, 30.

Yehova Suku o yongola okuti, tu kũlĩha ocili catiamẽla kokuaye. Eli olio esunga lieci a tu ĩhila elivulu liaco oco tu kuate elomboloko liwa.—Tanga 1 Timoteo 2:3, 4.

O pondola oku kuata ndati elomboloko Liembimbiliya?

Yehova noke yoku tu ĩha Embimbiliya, o tu ĩhavo ekuatiso oco tu kuate elomboloko lialio. Wa tuma Yesu oku tu longisa. (Luka 4:16-21) Yesu wa kuatisa olonjeveleli viaye oku kuata elomboloko Liovisonehua, poku tukula ocinimbu locinimbu.—Tanga Luka 24:27, 32, 45.

Yesu wa sovola ekongelo Liakristão oco lia amameko lupange una a fetika. (Mateo 28:19, 20) Koloneke vilo, olondonge viocili via Yesu, via siata oku kuatisa omanu oku kuata elomboloko lieci Embimbiliya li tu longisa catiamẽla ku Suku. Nda o yongola oku kuata elomboloko Liembimbiliya, Olombangi Via Yehova vi ka ku kuatisa oku ci linga.—Tanga Ovilinga 8:30, 31.

Oco o kuate elomboloko likuavo, tanga ocipama 2 celivulu eli, Embimbiliya li Longisa Nye? lia sandekiwa Lolombangi Via Yehova

[Elitalatu kemẽla 16]