Apulilo Embimbiliya a Tambuluiwa
APULILO EMBIMBILIYA A TAMBULUIWA
Citava hẽ oku kuata omuenyo ko pui?
Adama ulume watete, wa kala komuenyo anyamo alua. Pole, weya oku kuka kuenje wa fa. Koloneke vilo, omanu valua va siata oku seteka oku yuvula oku kuka. Pole, lomue o pondola oku puluka kolofa. Momo lie? Momo Adama wa linga ekandu poku tomba olonumbi via Suku, kuenje wa kuka, noke wa fa. Omo okuti tua piñala ekandu lia Adama, tua siatavo oku kuka kuenda oku fa.—Tanga Efetikilo 5:5; Va Roma 5:12.
Tu kuete esanju omo lielavoko lioku kuata omuenyo ko pui vonduko yocisembi ca tu yovola kekandu kuenda kolofa. (Yovi 33:24, 25) Ocisembi ci lomboloka ondando yimue yi fetiwa, oco yi yovole omunu umue. Eli olio esunga lieci tu sukila oku yovuiwa kolofa. (Etundilo. 21:29, 30) Olofa via Yesu ovio via feta ondando yaco.—Tanga Yoano 3:16.
Tu pondola ndati oku kuata omuenyo ko pui?
Ocili okuti havosiko va ka yovuiwa kekandu kuenda koku kuka. Omanu vana ka va pokola ku Suku ndeci Adama a linga, ka va ka kuata omuenyo ko pui. Pole, vana va likekembela akandu avo, ovo lika va ka kuata omuenyo ko pui.—Tanga Isaya 33:24; 35:3-6.
Oco akandu etu a ecelue tu sukila oku likolisilako oku kũlĩha Suku poku lilongisa Embimbiliya. Ovina viaco vi tu longisa ndomo tu kuata esanju komuenyo, loku taviwa la Suku kuenda oku kuata omuenyo ko pui.—Tanga Yoano 17:3; Ovilinga 3:19.
Oco o kuate elomboloko lia suapo, tanga ocipama 3 celivulu eli, lia sandekiwa Lolombangi Via Yehova
[Elitalatu kemẽla 16]
Eliangiliyo lipi lia lingiwa oco tu puluke kolofa?
Ove o ka ci Sola
UTALA WONDAVULULI
Ombanjaile ya Velapo ya Suku—Momo lie yi Kuetele Esilivilo
Ovina vipi vi koka okuti ombanjaile yimue yi velapo okuti yikuavo yi sule? Oku sokolola ovina viaco ci pondola oku tu kuatisa oku vokiya olopandu vietu kocisembi.
