O Pondola hẽ Oku Kolela Ketavo li Pinga Olombongo?
O Pondola hẽ Oku Kolela Ketavo li Pinga Olombongo?
Ukãi umue o tukuiwa hati, Estelle a wa endaele konembele olonjanja vialua lomãla vaye. Eye wa popia hati, “Nda pinga kusongui wetavo oco a ndi longise ovina viatiamẽla Kembimbiliya.” Pole, ka tavele oku ci linga. Noke ukãi waco wa liwekapo oku endaenda konembele. Eye wa amisako loku popia hati: “Noke asongui vetavo va ndi sonehẽla vati, ndaño nda liwekapo oku endaenda konembele yavo, pole, citava okuti ndi va tumisa olombongo. Kuenje, nda sokolola ndoco: ‘Ovo ka va ndi kapeleko, pole, va yongola lika olombongo viange.’”
Ukãi umue ukuetavo o tukuiwa hati, Angelina wa popia hati: “Vetavo liange, va siata oku pitisa ongalo yoku pinga olombongo olonjanja vitatu vokuenda kuefendelo, lelavoko liokuti, omunu lomunu eca olombongo. Ovo va siata oku pinga olombongo olonjanja viosi. Noke nda limbuka okuti, ‘asongui vaco ka va kuete espiritu lia Suku.’”
Anga hẽ asongui vetavo liove va siatavo oku kisika omanu oku eca olombongo? Ocituwa caco ci litava hẽ lolonumbi Viembimbiliya?
EMBIMBILIYA LI LONGISA NYE?
Omo okuti Yesu eye usovoli Wefendelo liocili wa popia hati: ‘Omo okuti wa tambuli ocali, ecivo ocali.’ (Mateo 10:8) Esapulo li sangiwa Vembimbiliya ka li landisiwa, pole, li eciwa ocali komanu vosi va li sanda.
Akristão vatete va enda oku kuatisa ndati akongelo?
Omunu lomunu wa enda “oku eca ndeci a panga kutima waye; ha locikukũiko pamue omo a kisikiwa, momo Suku o sole u eca lesanju.” (2 Va Korintiu 9:7) Upostolo Paulu wa popia hati: ‘A vamanji, wa ivaluki ndomo tua sakalala lupange. Tua talavaya uteke lutanya okuti ka tu sakalaisa umue pokati kene osimbu tuo kundili ondaka yiwa ya Suku.’ (1 Va Tes. 2:9) Paulu wa enda oku linga olombalaka oco a sange eteku kupange waye woku kunda.—Ovilinga 18:2, 3.
OLOMBANGI VIA YEHOVA VIA SIATA NDATI OKU LINGA OVOPANGE AVO?
Olombangi Via Yehova via siata oku liongoluila kovitumãlo vi tukuiwa hati, Olonjango Viusoma. Va siata oku landa ndati ovina va sukila? Ovo ka va piti lolongalo, kuenda ka va tumi ovikanda vioku pinga olombongo. Poku enda kolohongele, va yeva esanju lioku kapa olombanjaile viavo volokasia vi sangiwa Vonjango Yusoma.
Oco Utala ulo Wondavululi u pangiwe, ca sukila olombongo. Lalimue eteke o ka mõla okuti Olombangi Via Yehova vi kisika omanu oco va ece olombongo. Pole, via velisapo ocili ci sangiwa Vembimbiliya.
Cipi ocisimĩlo cove: Anga hẽ ocituwa coku pinga olombongo ci likuata lolondaka via Yesu kuenda ongangu Yakristão vatete?
[Etosi pombuelo]
a Olonduko vimue vi sangiwa vocipama cilo via pongoluiwa.
[Elitalatu kemẽla 4]
[Etosi lia velapo 4]
Pi ku tunda olombongo vioku kuatisa etavo?
