COVER SUBJECT | WHO ARE JEHOVAH’S WITNESSES?
Momo Lie Tu Kundila?
Ondimbukiso yetu ya velapo upange woku kunda, konjo lanjo, povitumãlo pa sangiwa omanu valua kuenda kolonepa viosi ku sangiwa omanu. Momo lie ku lingiwila upange waco?
Olombangi Via Yehova vi kunda oco vi sivaye Suku kuenda oku sandeka onduko yaye. (Va Heveru 13:15) Tu ci lingila oku pokola kocihandeleko ca Yesu Kristu cokuti: “Kuendi, ka tavisi olofeka viosi . . . Va longisi oku linga ovina viosi ndo kundiki.”—Mateo 28:19, 20.
Tu ci lingavo momo tu sole omanu tu li sungue lavo. (Mateo 22:39) Tua kũlĩha okuti omanu valua va kuete ale atavo avo kuenda havosiko va tava kesapulo lietu. Lopo tua kũlĩha okuti alongiso Embimbiliya a kasi oku popela ovimuenyo viomanu. Eli olio esunga lieci ka tu ‘liwekelapo oku kunda loku longisa catiamẽla ku Kristu’ ndeci Akristão kocita catete va linga.—Ovilinga 5:41, 42.
Antonio Cova Maduro okuti o Sociólogo, wa soneha ndoco: “Olombangi Via Yehova via siata oku likolisilako ndaño lovitangi . . . oco va kunde olondaka viwa Viusoma kolonepa viosi violuali.”—Ukanda wasapulo El Universal, Venezuela
Omanu valua va siata oku tanga alivulu etu, Halombangiko Via Yehova. Olohuluwa vialua va lilongisa letu Embimbiliya, vatiamẽla katavo akuavo. Pole, va sanjuka momo Olombangi Via Yehova vi va sandiliya.
Omo liaco, citava okuti o kuete apulilo akuavo a tiamẽla Kolombangi Via Yehova. Tu ku laleka oco o sange a tambululo poku:
-
Pula Kombangi yimue ya Yehova.
-
Iñila vonumbi yetu, www.pr418.com.
-
Enda kolohongele vietu, oku iñila ocali kuenda vosi va lalekiwa.
Ove o ka ci Sola
APULILO A SIATA
Anga hẽ Olombangi Via Yehova vi Sima Okuti Ovio Lika vi ka Popeliwa?
Embimbiliya li tukula ava va ka kuata epuluvi lioku popeliwa.
APULILO A SIATA
Anga hẽ Olombangi Via Yehova vi Ecelela Atavo Akuavo?
Kũlĩha vali ndomo oku ecelela atavo ku situlula Akristão vocili.
