OSAPI YO KOÑOÑO | VELIE OLOMBANGI VIA YEHOVA?
Nye Olombangi Via Yehova vi tava?
Olombangi Via Yehova vi tava okuti “Ovisonehua vi kola viosi ovitumasuku, kuenje vi silivila.” (2 Timoteo 3:16) Tua siata oku kuama olonumbi Viembimbiliya oco tu lilongise eci catiamẽla Kululiki kuenda elomboloko liomuenyo.
Embimbiliya li popia hati: “Oco va limbuka okuti ove, onduko yove Yehova, ove, lika wove, Tõlo koluali luosi.” (Osamo 83:18) Omo liaco, tu fendela lika Yehova Suku kuenda omo okuti Tulombangi viaye tua siata oku likolisilako oku sandeka onduko yaye komanu.—Isaya 43:10-12.
Etu tu tava okuti Yesu “Omõla a Suku,” a weya palo posi kuenda wa linga Mesiya. (Yoano 1:34, 41; 4:25, 26) Yesu noke yoku fa, wa pinduiwa kuenje wa enda kilu. (1 Va Korindo 15:3, 4) Noke wa linga Osoma Yusoma wa Suku. (Esituluilo 11:15) Usoma waco uviali umue wocili u ka tumbulula ongongo oco yi linge Ocumbo celau. (Daniele 2:44) Embimbiliya li popia ndoco: “Ambombe puãi va piñala ofeka, kuenje va sanjukila okusalala kualua.”—Osamo 37:11, 29.
“Eci ovo va tanga Embimbiliya, vatava okuti Suku eye o kasi oku vangula lavo. Eci va liyaka lovitangi va kapako ondaka ya Suku kuenda va yi konomuisa poku tetulula ocitangi caco . . . Kokuavo, Ondaka ya Suku yi kuete omuenyo.”Usongui wetavo lio Katolika Benjamin Cherayath, ukanda wasapulo Münsterländische Volkszeitung, ko Alemany
Olombangi Via Yehova vi tava okuti, olonumbi Viembimbiliya vi pondola oku kuatisa omanu koloneke vilo. (Isaya 48:17, 18) Omo liaco, tu likolisilako oku kuama olonumbi viaco. Omo lielungulo Liembimbiliya, tu yuvula oku vĩhisa etimba lietu poku likala oku sipa kuenda oku fenya olodroga. (2 Va Korindo 7:1) Tu yuvulavo ovituwa vimue vi pisiwa Lembimbiliya ndeci, uholua, evĩho liukahonga kuenda oku nyana.—1 Va Korindo 6:9-11.
a Embimbiliya li tukula Yesu okuti, ‘Omõla a Suku wongunga’ momo, eye wa lulikiwa tete la Yehova haeye uveli pokati koviluvo viosi.—Yoano 3:18; Va Kolosai 1:13-15.
Ove o ka ci Sola
APULILO A SIATA
Olombangi Via Yehova vi Tava hẽ Viatiamẽla Ketavo Liocili?
Nye Yesu a popia ca tiamẽla kondaka yaco?
ESSENTIAL BIBLE TEACHINGS
Anga Suku o Kuete Onduko?
Suku o kuete olonduko vialua viesumbilo, oku kongelamo Tõlo, Ululiki, kuenda Ñala. Pole, onduko ya Suku Vembimbiliya ya tukuiwa eci ci pitahãla 7. 000 kolonjanja.
