Komanu valua, a kova osi oku tatiwa lonjila yimuamue onjoi yimue okuti lalimue eteke yi ka tẽlisiwa.

•   “Olonepela via kova, ocitangi cimue ci kasi oku li sanduila kovitumãlo viosi viupange kuenda kekalo liosi liomuenyo. Olonepele via kova, viamamako oku vetiya omanu oku li tata lãvi omunu lokuavo.”—António Guterres, Usongui wa Velapo Wolo Nações Unidas.

 Anga hẽ, eteke limue ka ku ka kala vali olonepele via kova? Nye Embimbiliya li popia?

 Embimbiliya li tu longisa ndomo Suku a tenda omanu vakua kova a litepa.

•   “[Suku] lomunu umosi, wa sovola olofeka viosi viomanu, oco va tunge kilu lieve liosi kuenda wa sokiya olotembo via tukuiwa lolongave omanu va pondola oku kala.”—Ovilinga 17:26.

•   “Suku ka kuete ocame. Pole, kolofeka viosi, omunu wosi o lekisa esumbilo kokuaye loku linga esunga, o taviwa laye.”—Ovilinga 10:34, 35.

 Embimbiliya li lekisa okuti omanu vosi va tiamẽla kepata limuamue kuenda Suku o tava omanu vakua kova osi.

 Oku kapiwako kua kova osi ku ka tẽlisiwa lika Vusoma wa Suku, uviali umue wokilu. Uviali waco u ka longisa omanu ndomo va tenda vakuavo lonjila ya sunguluka. Omanu va ka lilongisa ndomo va yula ocisimĩlo cosi coku lekisa olonepele va pondola oku kuata.

•   “Olonungi viofeka vi lilongisa eci catiamẽla kesunga.”—Isaya 26:9.

•   “Onima yesunga liocili li ka kala ombembua, kuenda epako liesunga liocili li ka kala oku tula utima kuenda oku kolapo.”—Isaya 32:17.

 Koloneke vilo, olohuluwa viomanu vi kasi oku lilongisa Vembimbiliya ndomo va tata vakuavo lesumbilo loku va kapako.

•   Lilongisa ovina vikuavo poku tanga ulandu wo Masuli!, losapi “O Preconceito Vai Acabar?”

•   Tanga ocipama losapi, Como Falar Com Seus Filhos Sobre Racismo” oco o lilongise ndomo olonjali vi pondola oku vangula ulandu waco konjo.