Yesu wa kũlĩha ohali yi tunda kungangala kuenda kekambo liesunga. Eye wa lundiliwa lonjila yimue ka ya sungulukile, wa tipuiwa, wa sombisiwa lekambo liesunga, wa pisiwa kuenda wa pondiwa ndaño ka kuatele eko. Ndaño ka kuatele eko, eye wa li eca olume ndocisembi “coku yovola omanu valua.” (Mateo 20:28; Yoano 15:13) Cilo, Ndosoma Yusoma wa Suku, eye ndopo muẽle o ka nena esunga voluali luosi kuenda oku malako ungangala.—Isaya 42:3.

 Embimbiliya li lombolola ndomo oluali lu ka kala noke lia Yesu oku malako:

•    “Olondingaĩvi ka vi ka kalako vali; ove o ka vanja apa ovio via kala, kuenje ka vi ka kalapo. Pole, ambombe va ka piñala ilu lieve, kuenda va ka sanjukila ombembua yalua.”—Osamo 37:10, 11.

 Tu lekisa ndati olopandu omo liovina Yesu a tu lingila levi a ka tu lingila kovaso yoloneke? Kelivulu lia Luka ocipama 22:19, Yesu wa handeleka olondonge viaye oco vi ivaluke olofa viaye. Eli olio esunga lieci unyamo lunyamo Olombangi Via Yehova vi lingila pamosi ocipito colofa via Yesu. Tu ku laleka oku kala letu Kocipito Conjivaluko violofa via Yesu Calumingu 24 Yelombo, 2024.

Sanga ocitumãlo cimue ku ka lingiwila Ocipito Conjivaluko