Sio. Omanu valua va kala kosimbu kolonepa viosi violuali, kuenda vana okuti ka va kaile Olombangi Via Yehova, va ka kuata epuluvi lioku popeliwa. Embimbiliya li tukula ohuminyo ya Suku yoku nena oluali luokaliye palo posi muna mu ka kala “epinduko lia vakuesunga lava havakuesungako.” (Ovilinga 24:15) Handi vali, omanu vana va kasi koloneke vilo okuti va kasi oku vumba Suku, va ka popeliwavo. Ka tu kuete omoko yoku nõla omanu va ka popeliwa lava ka va ka popeliwa. Yesu eye lika o kuete omoko yaco.—Yoano 5:22, 27.