Amãlehe va Kuatisiwa Oku Yuvula Oku Yaka Eci va Sanumuiwa
Umãlehe umue o tukuiwa hati Hugo okuete anyamo ekũi wa tambula ombanjaile yimue yi tukuiwa hati Diana kosikola omo lio ku kuatisa omanu va tangela kumosi oku yuvula oku yaka eci va sanumuiwa.
Hugo wa popia hati: “Nda tambula ombanjaile yaco omo lioku kuatisiwa loviluvialuvia vi sonehiwa vemẽla li yela losapi hati: Ndomo o Yuvula Oku Yaka Eci va ku Sanumula. Ame nda tẽla lika oku oku yuvula oku yaka eci va ndi sanumula omo liovina nda lilongisa vovideo yaco yi sangiwa vo jw.org.”
“Ondonge yimue yi kasi oku lombolola kalongisi vaye ovina viatiamẽla koku sanumuiwa. Eteke leteke amãlehe voluali luosi va siata oku sanumuiwa lomanu va tangela kumosi, pole, citava oku ci yuvula.”(Onepa yimue yovideo losapi hati: Ndomo o Yuvula Oku Yaka Eci va ku Sanumula.)
Hugo wa lekisa kalongisi vaye vokosikola ovideo losapi hati: Ndomo o Yuvula Oku Yaka Eci va ku Sanumula. Ovo va komõha calua kuenda va pinga oco olondonge viosi vi kuate onumbi yaco yo internet jw.org. Cilo, omãla vosi va kuete oku upisa 8 toke 10 kanyamo okuti va tangela kosikola yiuamue la Hugo va siata oku iñila vonumbi yo int ernet jw.org. Onumbi yaco ka ya siatele lika oku va kuatisa oku yuvula oku yaka eci va sanumuiwa, pole ya siatavo oku va kuatisa oku sanga atambululo kapulilo ndeci: Como fazer verdadeiros amigos?
Olonumbi Viwa vi Kuatisa Amãlehe
Kosikola yikuavo kofeka yo Grã-Bretanya, umãlehe umue o tukuiwa hati Elijah okuti o kuete 8 kanyamo, wa enda oku sanumuiwa. Eye kume lepata liaye, va talela kumosi ovideo losapi hati: Ndomo o Yuvula Oku Yaka Eci va ku Sanumula. Omo liaco, ovo va lilongisa ovina eye a sukila oku popia eci vo sanumula. Kuenje, Elijah wa kuata utõi woku liyaka locitangi caco. Noke, vokuenda kuosemana kua lingiwa upange woku yuvula oku yaka eci va ku sanumula kuenje ulongisi wa Elijah wa lekisa ovideo kosikola yosi.
Ocitangi coku sanumuiwa, ka ci kasi lika kofeka yo Grã-Bretanya. Oco, ca siata oku pita voluali luosi kuenje ovideo yaco yi kasi oku kuatisa amãlehe oku liyaka locitangi caco.
Kofeka yo Estados Unidos, Ivie o kuete 10 kanyamo, wa enda oku sanumuiwa lomunu umue a tangela kumosi kosikola, kuenje wa enda oku kuata usumba laye. Noke yoku tala ovideo losapi hati: Ndomo o Yuvula Oku Yaka Eci va ku Sanumula, Ivie wa kuata utõi woku liyaka locitangi caco. Eye wa sapelavo lulongisi waye, kuenje wo kuatisa. Omunu va tangela kumosi wa pinga ongecelo, kuenje cilo va linga akamba.
Olombangi Via Yehova via kapako amãlehe. Ovo olonjanja viosi va sandeka olonumbi viwa vi kuatisa amãlehe oku liyaka lovitangi vieteke leteke ndeci oku yuvula oku yaka eci va sanumuiwa.
Ove o ka ci Sola
AMALẼHE VA PULA
Nye Ndi Sukila Oku Linga Nda Ndi Kasi Oku Liyaka Locitangi Coku Sanumuiwa?
Omanu vana va siata oku sanumuiwa, va sima okuti ka citava oku tetulula ocitangi caco. Ocipama cilo ci lekisa ovina o pondola oku linga oco o yule ocitangi caco.
AMALẼHE
Amalẽhe va Pula—Atambululo Asuapo onepa 1
Ovinyua vi koluisa, epangue ukahonga kuenda oku namulala amue pokati kovolandu a ka konomuisiwa.
AMALẼHE
Amalẽhe va Pula Onepa 2
Osikola, olomapalo, vana vu tangela kumosi, olonjali, apongoloko komuenyo, ovisimĩlo viove, kuenda etepiso li kasi pokati kulume lukãi a-a amue pokati kovolandu a ka komuisiwa vocipama cilo.
OVILUVIALUVIA VI SONEHIWA VEMẼLA LI YELA
Ndomo o Yuvula Oku Yaka Eci va ku Sanumula
Lilongisa esunga lieci omanu va siatela oku sanumuila vakuavo kuenda ndomo o yula ocitangi caco.
OVILUVIALUVIA VI SONEHIWA VEMẼLA LI YELA
Pandikisa Kelambalalo Liakamba Vove Kosikola!
Olonjila vikuãla via leluka vi pondola oku ku kuatisa oku kuata ongusu yoku pandikisa.