Ci soka eceya Kolombangi Via Yehova vioko Australia, via tambula ovikanda viuvangi wokuti va linga ovopange “a kuete esilivilo” komanu vana va kasi vokayike kanene muna va siata oku kapa omanu ka va kuete ovikanda viuvangi woku iñila vofeka yikuavo. Olombangi Via Yehova via tambula ovikanda viuvangi via tunda Vokayike mu Kapiwa Omanu Vana ka va Kuete Ovikanda Viuvangi Woku Iñila Vofeka Yikuavo, ko Derby, ko Australia Ocidental. *

Olosemana viosi Olombangi Via Yehova, vi nyula omanu va kasi vokaike, oco va yevelele ovolandu avo kuenda oku va longisa esapulo Liembimbiliya li lembeleka halio li eca elavoko. Christopher Riddoch ukuakutambulula ovina viatiamẽla ketavo kuenda kovituwa vokayike, wa popia hati: “Nda siata oku mola onima yi tunda kapasu Olombangi Via Yehova via siata oku linga komanu va kasi vokayike.” Eye wa popiavo hati, noke liepasu Liolombangi Via Yehova, omanu va kasi vokaike va sanjuka calua. Christopher wa popia okuti ovo va lekisa esanju liaco omo “va kũlĩha okuti, kuli handi omanu va va kapako.”

Riddoch wa popiavo hati, ukanda uvangi Olombangi Via Yehova via tambula, ocina cimue citito, ci lekisa olopandu omo lioku “kuatisa oku mioñolola omuenyo womanu tu kasi oku lava.” Eye wamisako hati: “Olombangi viaco Via Yehova vi sanjuisa apata avo, akongelo avo kuenda etavo liavo.”