Oku upisa kosãi ya Susu yunyamo wo 2013 o Despertai! Kuenda Utala Wondavululi wowiñi, ka vi ka kuata vali amẽla 32 pole vi ka kuata lika 16 kamẽla.

Omo okuti olorevista vi ka kuata lika amẽla atito, ci ka ecelela oku yi sandeka kalimi alua. O Despertai! yosãi ya Cembanima yunyamo wo 2012 ya sandekiwa kueci ci soka 84 kalimi, kuenda Utala Wondavululi wosãi ya Cembanima yunyamo wo 2012 ya sandekiwa kueci cisoka 195 kalimi. Pole, oku upisa kosãi ya Susu yunyamo wo 2013, o Despertai! yi ka sandekiwa kueci ci soka 98 kalimi kuenda Utala Wondavululi u ka sandekiwa kueci ci soka 204 kalimi.

Utala Wondavululi welilongiso u ka amamako oku kuata ci soka 32 kamẽla.

Apongoloko a lingiwa kolorevista vietu, a ka nenavo apongoloko vonumbi yetu yo internet www.pr418.com kolonepa vivali.

1. Olonepa vimue via enda oku sandekiwa volorevista vietu, vi ka molẽha lika vonumbi yetu yo internet. Olonepa vimue ndeci “Kamalẽhe Vetu,” “Ovipama Viange Viembimbiliya” kuenda ovolandu oku malusula Osikola yo Gileada, via enda oku molẽha Vutala Wondavululi wowiñi, kumue lovipama “Para Considerar em Família” kuenda “Amalẽhe va Pula” via enda oku sandekiwa vo Despertai!, vi ka sandekiwa vonumbi yetu yo internet.

2. Utala Wondavululi kuenda o Despertai! vi ka molẽha vo internet. Kanyamo a sulako, Utala Wondavululi kuenda o Despertai! via siata oku molẽha vo PDFs vo www.pr418.com. Cilo olorevista viaco citava oku vi tangavo vo HTML okuti, ca leluka oku vi sanga kuenda oku vi tanga vokomputador ale vo telefone. Ci ka lelukavo oku sanga lonjanga alivulu etu akuavo a sangiwa vonumbi yetu yo internet kueci ci pitãhala 400 kalimi.