JW.ORG ویب سائٹ
کسی دوسری زبان میں مواد تلاش کرنے کا طریقہ
اگر آپ کوئی اَور زبان سیکھ رہے ہیں یا آپ jw.org پر موجود مواد کسی ایسے شخص کو دِکھانا چاہتے ہیں جو کوئی اَور زبان بولتا ہے تو آپ نیچے دیے گئے تین طریقوں میں سے کوئی طریقہ اِستعمال کر کے مطلوبہ زبان میں مواد تلاش کر سکتے ہیں۔
ویب سائٹ کی زبان تبدیل کریں
نشان زبان کا اِنتخاب کریں پر کلک کریں تاکہ آپ اُن تمام زبانوں کی فہرست دیکھ سکیں جو jw.org پر دستیاب ہیں۔
فہرست میں ہر زبان کے ساتھ اِن میں سے ایک نشان ہے:
اِس نشان کا مطلب ہے کہ پوری ویب سائٹ یا اِس کے کچھ حصے اِس زبان میں دستیاب ہیں۔ زبان پر کلک کرنے سے ویب سائٹ کی زبان بدل جائے گی۔
اِس نشان کا مطلب ہے کہ اِس زبان میں ابھی ویب سائٹ دستیاب نہیں ہے لیکن کچھ مواد ڈاؤن لوڈ کرنے کے لیے دستیاب ہے۔ زبان پر کلک کرنے سے آپ اُس زبان میں دستیاب مواد کی فہرست دیکھ سکیں گے۔
اِس نشان کا مطلب ہے کہ یہ اِشاروں کی زبان ہے۔
اگر jw.org کے کچھ حصے اِشاروں کی اُس زبان میں دستیاب ہیں جس پر آپ نے کلک کِیا ہے تو یہ زبان ویب سائٹ کی زبان بن جائے گی۔
اگر jw.org ابھی اِشاروں کی اُس زبان میں دستیاب نہیں ہے جس پر آپ نے کلک کِیا ہے تو اُس زبان میں دستیاب مواد کی فہرست دِکھائی دے گی۔
زبانوں کی فہرست میں سینکڑوں نام ہیں اِس لیے اپنی مطلوبہ زبان کو آسانی سے ڈھونڈنے کے لیے اِن طریقوں پر عمل کریں:
اپنی پسند کی زبان کا اِنتخاب کریں: جو چار زبانیں آپ نے حال ہی میں دیکھی ہیں، وہ زبانوں کی فہرست میں سب سے اُوپر ایک خانے میں دِکھائی دیں گی۔
زبان کا نام ٹائپ کریں: زبان والے خانے میں اپنی مطلوبہ زبان کے نام کے کچھ حروف اپنی زبان میں یا مطلوبہ زبان میں ٹائپ کریں۔ مثال کے طور پر اگر آپ کی ویب سائٹ کی زبان اُردو ہے اور آپ اِسے انگریزی میں بدلنا چاہتے ہیں تو اُردو میں لفظ انگریزی ٹائپ کریں یا پھر کی بورڈ کی سیٹنگ بدل کر انگریزی میں لفظ English ٹائپ کریں۔ جوں جوں آپ حروف ٹائپ کریں گے، فہرست میں صرف وہ زبانیں دِکھائی دیتی جائیں گی جن کے نام میں آپ کے ٹائپ کیے ہوئے حروف موجود ہیں۔
ویب پیج کی زبان تبدیل کریں
پہلا طریقہ: یہ طریقہ اُن صفحوں پر اِستعمال کِیا جا سکتا ہے جن پر خانہ مطلوبہ زبان موجود ہے۔
اُس مضمون کو کھولیں جسے آپ پڑھنا چاہتے ہیں یا کسی کو دِکھانا چاہتے ہیں۔ خانہ مطلوبہ زبان میں دی گئی فہرست میں سے زبان کا اِنتخاب کریں۔ (اگر اِس فہرست میں آپ کی مطلوبہ زبان موجود نہیں ہے تو اِس کا مطلب ہے کہ یہ مضمون فی الحال اِس زبان میں دستیاب نہیں ہے۔)
مشورہ: مطلوبہ زبان والی فہرست میں کچھ زبانوں کے ساتھ ہیڈفون کا نشان ہے جس کا مطلب ہے کہ اِس زبان میں مطلوبہ مضمون کی آڈیو ریکارڈنگ بھی دستیاب ہے۔
جب آپ مطلوبہ زبان والی فہرست کی مدد سے ایک مضمون کو کسی دوسری زبان میں کھولتے ہیں تو صرف مضمون کی زبان بدلے گی لیکن باقی ویب سائٹ آپ کی زبان میں رہے گی۔
دوسرا طریقہ: اگر آپ کے مطلوبہ مضمون والے صفحے پر خانہ مطلوبہ زبان نہیں ہے تو آپ نشان زبان کا اِنتخاب کریں کے ذریعے ویب سائٹ کی زبان بدل سکتے ہیں۔ اگر آپ کا مطلوبہ مضمون اُس زبان میں دستیاب ہے تو یہ کُھل جائے گا اور اگر یہ دستیاب نہیں ہے تو منتخب شُدہ زبان کا صفحۂ اوّل دِکھائی دے گا۔
مطبوعات دوسری زبان میں تلاش کریں
حصہ ”مطبوعات“ پر جا کر بٹن ”منتخب شُدہ مواد“ پر کلک کریں۔ خانہ دِکھائیں میں دی گئی فہرست میں سے زبان کا اِنتخاب کریں اور پھر بٹن تلاش پر کلک کریں۔
مطلوبہ زبان کو آسانی سے تلاش کرنے کے لیے اِن طریقوں میں سے کوئی آزمائیں:
اپنی پسند کی زبان کا اِنتخاب کریں: جو چار زبانیں آپ نے حال ہی میں دیکھی ہیں، وہ زبانوں کی فہرست میں سب سے اُوپر دِکھائی دیں گی۔
زبان کا نام ٹائپ کریں: خانہ دِکھائیں میں اپنی مطلوبہ زبان کے نام کے کچھ حروف اپنی زبان میں یا مطلوبہ زبان میں ٹائپ کریں۔ مثال کے طور پر اگر آپ کی ویب سائٹ کی زبان اُردو ہے اور آپ مطبوعات کو انگریزی میں ڈھونڈنا چاہتے ہیں تو اُردو میں لفظ انگریزی ٹائپ کریں یا پھر کی بورڈ کی سیٹنگ بدل کر انگریزی میں لفظ English ٹائپ کریں۔ جوں جوں آپ حروف ٹائپ کریں گے، فہرست میں صرف وہ زبانیں دِکھائی دیتی جائیں گی جن کے نام میں آپ کے ٹائپ کیے ہوئے حروف موجود ہیں۔
اگر آپ کی مطلوبہ زبان میں بہت سی مطبوعات دستیاب ہیں تو صفحہ ”منتخب شُدہ مواد“ پر اِن میں سے چند ہی دِکھائی دیں گی۔ اگر آپ مزید مطبوعات تلاش کرنا چاہتے ہیں تو حصہ ”مطبوعات“ میں دیے گئے کسی بھی بٹن (مثلاً ”کتابیں،“ ”رسالے،“ ”ویڈیوز“ وغیرہ) پر کلک کریں۔
اگر آپ نے حصہ ”مطبوعات“ کے کسی بٹن پر کلک کِیا ہے لیکن اُس بٹن کے تحت مطلوبہ زبان میں کوئی مواد موجود نہیں ہے تو آپ کو اُس مواد کے لیے لنک دِکھائی دیں گے جو مطلوبہ زبان میں دستیاب ہے۔
