ہر سال ہمیں علا‌قائی اِجتماع کا بڑا اِنتظار رہتا ہے کیونکہ اِس پر ہمیں کثرت سے روحانی خوراک ملتی ہے۔‏ ہم چاہتے ہیں کہ دوسرے لوگ بھی یہ دیکھیں کہ یہوواہ کتنا مہربان ہے۔‏ (‏زبور 34:‏8‏)‏ اِس لیے ہمیں زیادہ سے زیادہ لوگوں کو اِجتماع پر آنے کی دعوت دینی چاہیے۔‏ ہر کلیسیا میں بزرگوں کی جماعت یہ طے کرے گی کہ وہ اپنے علا‌قے میں زیادہ سے زیادہ دعوت‌نامے تقسیم کرنے کے لیے کون سے اِنتظامات کرے گی۔‏

• علا‌قائی اِجتماع کب ہوگا؟‏

• ہم اِجتماع کے دعوت‌نامے دینا کب شروع کریں گے؟‏

• میری کلیسیا میں مہم کے دوران مُنادی کے اِجلا‌س کب کب ہوں گے؟‏

• مہم کے حوالے سے مَیں نے کون سے منصوبے بنائے ہیں؟‏

• مَیں کن کن لوگوں کو اِجتماع پر آنے کی دعوت دینا چاہتا ہوں؟‏

سلا‌م کرنے کے بعد آپ کہہ سکتے ہیں:‏

‏”‏ہم پوری دُنیا میں لوگوں کو ایک خاص عبادت پر آنے کی دعوت دے رہے ہیں۔‏ اِس کی تاریخ،‏ وقت اور پتہ دعوت‌نامے میں لکھا ہے۔‏ آپ ضرور آئیے گا۔‏“‏

یہ سچ ہے کہ ہم زیادہ سے زیادہ لوگوں کو دعوت‌نامے دینا چاہتے ہیں لیکن اگر صاحبِ‌خانہ مزید معلومات حاصل کرنا چاہتا ہے تو اُس سے بات‌چیت کریں۔‏

آپ ہفتے اور اِتوار کو دعوت‌ناموں کے ساتھ رسالے بھی پیش کر سکتے ہیں۔‏