جب پولُس رسول اور سیلاس قید میں تھے تو اُنہوں نے گیت گا کر یہوواہ خدا کی حمد کی۔‏ (‏اعما 16:‏25‏)‏ جدید زمانے میں بھی یہوواہ کے بندوں نے ایسا کِیا ہے۔‏ مثال کے طور پر نازی جرمنی میں زاکسن‌ہاؤزن کے قیدی کیمپ میں رہنے والے یہوواہ کے گواہ اور سائبیریا میں جلاوطن ہونے والے یہوواہ کے گواہ گیت گاتے تھے۔‏ اِن مثالوں سے ظاہر ہوتا ہے کہ گیتوں کے ذریعے اُن مسیحیوں کا حوصلہ بڑھتا ہے جو مشکلات کا سامنا کر رہے ہیں۔‏

بہت سی زبانوں میں جلد ہی گیتوں کی نئی کتاب دستیاب ہوگی۔‏ لیکن ہمارے پاس جو بھی گیت دستیاب ہیں،‏ ہم اُنہیں خاندانی عبادت کے دوران گا سکتے ہیں تاکہ اُن کے بول ہمیں زبانی یاد ہو جائیں۔‏ (‏اِفس 5:‏19‏)‏ اِس کا فائدہ یہ ہوگا کہ جب ہمیں مشکلات کا سامنا ہوگا تو پاک روح ہمیں یہ گیت یاد دِلائے گی۔‏ گیتوں کے ذریعے ہمارا دھیان ہماری اُمید پر رہتا ہے۔‏ گیت اُس وقت بھی ہمارا حوصلہ بڑھا سکتے ہیں جب ہم کسی مشکل سے گزر رہے ہوتے ہیں۔‏ اور جب ہم خوش ہوتے ہیں تو گیت گانے سے ہماری خوشی میں اِضافہ ہوتا ہے۔‏ لہٰذا آئیں،‏ اِن گیتوں کو ”‏آواز بلند کر کے خوشی سے گائیں۔‏“‏—‏1-‏توا 15:‏16؛‏ زبور 33:‏1-‏3‏۔‏

ویڈیو A SONG THAT INSPIRED LABORERS کو دیکھیں۔‏ پھر اِن سوالوں کے جواب دیں:‏

• بھائی فراسٹ نے کن حالات کی وجہ سے ایک گیت بنایا؟‏

• اِس گیت کے ذریعے اُن بھائیوں کو کیسے حوصلہ ملا جو قیدی کیمپ میں تھے؟‏

• ہمارے گیت روزمرہ زندگی کے کن حلقوں میں ہمارا حوصلہ بڑھا سکتے ہیں؟‏

• آپ کون سے گیت زبانی یاد کرنا چاہتے ہیں؟‏