آپ کے خیال میں ایک دوست میں کون سی خوبیاں ہونی چاہئیں؟‏ شاید آپ کہیں کہ ”‏ایک دوست کو وفادار،‏ مہربان اور کُھلے دل والا ہونا چاہیے۔‏“‏ یہوواہ میں یہ ساری خوبیاں ہیں۔‏ (‏خر 34:‏6؛‏ اعما 14:‏17‏)‏ جب اُس کے دوست اُس سے دُعا کرتے ہیں تو وہ اُن کی دُعاؤں کو سنتا ہے اور مشکل وقت میں اُن کی مدد کرتا ہے۔‏ (‏زبور 18:‏19،‏ 35‏)‏ وہ اپنے دوستوں کو معاف کر دیتا ہے۔‏ (‏1-‏یوح 1:‏9‏)‏ یہوواہ واقعی اپنے دوستوں کا بڑا اچھا دوست ہے!‏

آپ یہوواہ کے دوست کیسے بن سکتے ہیں؟‏ یہوواہ کے دوست بننے کے لیے اُس کے کلام کو پڑھ کر اُس کے بارے میں سیکھیں۔‏ اُسے اپنے دل کی بات بتائیں۔‏ (‏زبور 62:‏8؛‏ 142:‏2‏)‏ ثابت کریں کہ آپ اُن چیزوں کی قدر کرتے ہیں جو یہوواہ کے لیے بہت اہم ہیں جیسے کہ اُس کا بیٹا،‏ اُس کی بادشاہت اور مستقبل کے بارے میں اُس کے وعدے۔‏ دوسروں کو بھی اُس کے بارے میں بتائیں۔‏ (‏اِست 32:‏3‏)‏ اگر آپ یہوواہ کے قریبی دوست بنیں گے تو وہ ہمیشہ تک آپ کا دوست رہے گا۔‏—‏زبور 73:‏25،‏ 26،‏ 28‏۔‏

ویڈیو ‏”‏نوجوانو!‏ آزما کر دیکھیں کہ یہوواہ کتنا اچھا ہے‏“‏ کو دیکھیں اور پھر نیچے دیے گئے سوالوں کے جواب دیں:‏

• آپ کیا کر سکتے ہیں تاکہ آپ یہوواہ کے لیے اپنی زندگی کو وقف کرنے اور بپتسمہ لینے کے لیے تیار ہو جائیں؟‏

• کلیسیا میں بہن بھائی آپ کی مدد کیسے کر سکتے ہیں تاکہ آپ یہوواہ کی خدمت کر سکیں؟‏

• مُنادی کا کام کرنے سے یہوواہ کے ساتھ آپ کا رشتہ کیوں مضبوط ہوگا؟‏

• آپ کس کس طرح سے یہوواہ کی خدمت کر سکتے ہیں؟‏

• آپ کو یہوواہ کی کون سی خوبی بہت پسند ہے؟‏