بائبل میں پیش‌گوئی کی گئی تھی کہ شیطان ہمیں مُنادی کے کام سے روکنے کے لیے اذیت دے گا۔‏ (‏یوح 15:‏20؛‏ مکا 12:‏17‏)‏ ہم اپنے اُن بہن بھائیوں کی مدد کیسے کر سکتے ہیں جو مختلف ملکوں میں اذیت اُٹھا رہے ہیں؟‏ ہم اُن کے لیے دُعا کر سکتے ہیں۔‏ بائبل میں لکھا ہے کہ ”‏نیک شخص کی اِلتجا کا اثر بہت زبردست ہوتا ہے۔‏“‏—‏یعقو 5:‏16‏۔‏

ہم کس بارے میں دُعا کر سکتے ہیں؟‏ ہم یہوواہ خدا سے درخواست کر سکتے ہیں کہ وہ ہمارے بہن بھائیوں کو حوصلہ دے اور اُن کی مدد کرے تاکہ وہ خوف‌زدہ نہ ہوں۔‏ (‏یسع 41:‏10-‏13‏)‏ ہم اِختیار والوں کے لیے بھی دُعا کر سکتے ہیں کہ وہ مُنادی کے کام کے سلسلے میں کوئی رُکاوٹ کھڑی نہ کریں تاکہ ”‏ہم سکون اور اِطمینان سے زندگی گزار سکیں۔‏“‏—‏1-‏تیم 2:‏1،‏ 2‏۔‏

جب پولُس رسول اور پطرس رسول کو اذیت دی گئی تو پہلی صدی کے مسیحیوں نے اُن کا نام لے کر اُن کے لیے دُعا کی۔‏ (‏اعما 12:‏5؛‏ روم 15:‏30،‏ 31‏)‏ اگر ہم اُن بہن بھائیوں کے نام نہیں جانتے جو اذیت کا سامنا کر رہے ہیں تو ہم اُن کی کلیسیا،‏ اُن کے ملک یا اُن کے علا‌قے کا نام لے کر اُن کے لیے دُعا کر سکتے ہیں۔‏