خدا کی خدمت کے لیے یسعیاہ نبی کا جذبہ بڑا مثالی تھا۔‏ اُنہوں نے مضبوط ایمان ظاہر کِیا اور ضرورت کے وقت خوشی سے خود کو خدا کی خدمت کے لیے پیش کِیا حالانکہ وہ ساری تفصیلا‌ت سے واقف نہیں تھے۔‏ (‏یسع 6:‏8‏)‏ کیا آپ اپنی زندگی میں کچھ تبدیلیاں کر سکتے ہیں تاکہ آپ ایسے علا‌قے میں خدمت کر سکیں جہاں مبشروں کی زیادہ ضرورت ہے؟‏ (‏زبور 110:‏3‏)‏ بِلا‌شُبہ کسی دوسرے علا‌قے میں جانے سے پہلے اِس بات پر سوچ بچار کرنا بہت اہم ہے کہ آیا آپ کے پاس ”‏کافی پیسے ہیں یا نہیں۔‏“‏ (‏لُو 14:‏27،‏ 28‏)‏ لیکن مُنادی کے کام کی خاطر قربانیاں دینے کے لیے تیار رہیں۔‏ (‏متی 8:‏20؛‏ مر 10:‏28-‏30‏)‏ جیسا کہ ویڈیو ‏”‏وہ کم مبشروں والے علاقے میں منتقل ہو گئے“‏ میں دِکھایا گیا ہے،‏ خدا کی خدمت سے ملنے والی برکتیں اُن قربانیوں سے کہیں زیادہ ہوتی ہیں جو ہم دیتے ہیں۔‏

• بھائی مارک اور اُن کے گھر والوں نے ملک ایکواڈور میں خدمت کرنے کے لیے کون سی قربانیاں دیں؟‏

• یہ فیصلہ کرنے سے پہلے کہ وہ کس علا‌قے میں خدمت کریں گے،‏ اُنہوں نے کن باتوں پر غور کِیا؟‏

• اُنہیں کون سی برکتیں ملیں؟‏

• آپ یہ معلومات کہاں سے حاصل کر سکتے ہیں کہ کس علا‌قے میں مبشروں کی زیادہ ضرورت ہے؟‏

• ہم ایک خاندان کے طور پر یہوواہ خدا کی خدمت میں اَور زیادہ حصہ کیسے لے سکتے ہیں؟‏ (‏بادشاہتی خدمتگزاری 8/‏11 ص.‏ 4-‏6‏)‏

• اگر ہم کسی ایسے علا‌قے میں خدمت نہیں کر سکتے جہاں مبشر کم ہیں تو ہم اپنی کلیسیا میں کن طریقوں سے خدمت کر سکتے ہیں؟‏ (‏م16‏.‏03 ص.‏ 23-‏25‏)‏