خود سے پوچھیں:‏ ”‏کیا مَیں پیشکش کے لیے دی گئی تجاویز میں سے کوئی تجویز اِستعمال کرنا چاہتا ہوں؟‏“‏

ہاں

• پہلے یہ سوچیں کہ آپ بات شروع کیسے کریں گے۔‏ سلا‌م دُعا کے بعد اپنے آنے کا مقصد واضح طور پر بیان کریں۔‏ (‏مثال:‏ ”‏ہم آپ کے پاس اِس لیے آئے ہیں تاکہ .‏ .‏ .‏ “‏)‏

• سوچیں کہ آپ سوال کے بعد آیت اور پھر آیت کے بعد کتاب یا  رسالے کو کیسے متعارف کرائیں گے۔‏ (‏مثال:‏ آیت پر جانے سے پہلے آپ کہہ سکتے ہیں:‏ ”‏اِس سوال کا تسلی‌بخش جواب اِس آیت سے ملتا ہے۔‏“‏)‏

نہیں

• رسالے میں سے کوئی ایسا مضمون چُنیں جو آپ کو دلچسپ لگتا ہے اور آپ کے علا‌قے کے لوگوں کو بھی پسند آئے گا۔‏

• ایسا سوال سوچیں جس سے آپ صاحبِ‌خانہ کی رائے معلوم کر سکیں اور اُس سے مزید بات‌چیت کر سکیں۔‏ لیکن کوئی ایسا سوال نہ سوچیں جس کا  جواب دینا صاحبِ‌خانہ کے لیے مشکل ہو یا جس سے اُسے شرمندگی ہو۔‏ (‏مثال:‏ اُن سوالوں کو اِستعمال کریں جو رسالوں کے صفحہ 2 پر دیے جاتے ہیں۔‏)‏

• ایسی آیت چُنیں جو آپ صاحبِ‌خانہ کو پڑھ کر سنانا چاہتے ہیں۔‏ (‏اگر آپ جاگو!‏ رسالہ پیش کر رہے ہیں تو آیت پڑھنا یا نہ پڑھنا آپ کی مرضی ہے کیونکہ یہ رسالہ اُن لوگوں کے لیے شائع کِیا جاتا ہے جو بائبل کے بارے میں زیادہ نہیں جانتے یا جو کسی مذہب کو نہیں مانتے۔‏)‏

• ایک یا دو ایسے جملے سوچیں جن سے صاحبِ‌خانہ سمجھ جائے کہ اُسے وہ مضمون پڑھ کر کیا فائدہ ہوگا جس پر آپ نے بات کی ہے۔‏

دونوں صورتوں میں

• ایک ایسا سوال سوچیں جس پر آپ واپسی ملا‌قات پر بات کریں گے۔‏

• پیشکش کے لیے آپ جو کچھ کہنا چاہتے ہیں،‏ اُس میں سے کچھ خاص باتیں لکھ لیں تاکہ آپ بھول نہ جائیں۔‏